Túrkıa Prezıdenti Sadyr Japarovty Qyrǵyzstannyń Táýelsizdiginiń 30 jyldyǵymen quttyqtady
Túrkıa Prezıdenti Rejep Taıyp Erdoǵan qyrǵyzstandyq áriptesi Sadyr Japarovpen telefon arqyly sóılesti. Bul týraly Túrkıa Prezıdenti ákimshiliginiń qoǵammen baılanys bóliminiń habarlamasynda aıtylǵan, dep habarlaıdy, Almaty-akshamy.kz.
Áńgime barysynda Túrkıa men Qyrǵyzstan arasyndaǵy qarym-qatynasty odan ári damytý qadamdary, sondaı-aq aımaqtyq máseleler talqylandy.
Sadrı Japarov Túrkıa memleketiniń basshysyn Túrkıada toılanatyn Jeńis kúnimen quttyqtady.
Prezıdent Erdoǵan Sadyr Japarovty Qyrǵyzstan Táýelsizdiginiń 30 jyldyǵymen quttyqtady.
Túrik basshysy Túrkıanyń Qyrǵyzstannyń Táýelsizdigin moıyndaǵan jáne Bishkekte elshiligin ashqan birinshi el ekenin eske saldy.
Túrkıa memleketiniń basshysy Túrkıa baýyrlas Qyrǵyzstannyń turaqtylyǵyna, órkendeýi men damýyna óz úlesin qosatynyna sendirdi.
Ol keıingi 30 jylda Túrkıa men Qyrǵyzstan arasyndaǵy qarym-qatynas barlyq salada damyp kele jatqanyn aıtty.
Sondaı-aq 2021 jyly ekijaqty qarym-qatynastardyń strategıalyq seriktestik deńgeıine kóterilgenine 10 jyl tolatynyn eske saldy.