Qorǵanys mınıstriniń qyzmetten ketý týraly ótinishi qaraldy
Memleket basshysy Qasym-Jomart Toqaev Qorǵanys mınıstri Nurlan Ermekbaevtyń qyzmetten bosatý jónindegi raportyn qarastyryp, onyń ótinishin qabyldady, dep habarlaıdy Almaty-akshamy.kz QazAqparat saıtyna silteme jasap.
Bul týraly QR Prezıdentiniń baspasóz hatshysy Berik Ýálı jelide jazdy. Eske salsaq, buǵan deıin QR Qorǵanys mınıstri Nurlan Ermekbaev otstavkaǵa ótinish berýge daıyn ekendigi týraly aıtqan bolatyn.
«Qazirgi ýaqytta basty maqsatym - apattyń saldaryn tez arada joıý. Al sizderdi otstavka máselesi qyzyqtyratyn bolsa, onda men osy habardy estigennen keıin birinshi mınýtta ózim úshin sheshim qabyldadym. Men otstavkaǵa ótinish beremin, otstavkaǵa jiberýin suraımyn. Al qalǵanyn joǵarǵy basshylyq sheshedi», - dedi Nurlan Ermekbaev.
Estirińizge sala keteıik, 26 tamyzda saǵat shamamen 19:00-de Jambyl oblysynyń Baızaq aýdanynda ornalasqan áskerı bólim qoımalarynyń birinen órt shyǵyp, joıqyn jarylys boldy. Sońǵy málimet boıynsha, Jambyl oblysyndaǵy jarylystan 14 qaza tapqan.