2023 jyly Qyrǵyzstan resmı túrde týyn ózgertti.
Jogorký kenesh otyrysynda depýtat Baqytbek Marıpov astanany basqa jerge kóshirip, mınıstrler kabınetin sonda ornalastyrýdy usyndy, dep habarlaıdy aqshamnews.kz
Depýtattyń oıynsha, osylaı qaladaǵy tútin men keptelis máselesin sheshýge bolady.
Marıpov qalaǵa eki basy bar adam ákim bolyp taǵaıyndalsa da ol Bishkektegi tútin máselesin sheshe almaıtynyn aıtady.
«Ystyqkólde Asman qalasy salynaıyn dep jatyr. Ol úshin 10 mıllıard dollar ınvestısıa tartylmaq. Al temir joldy Bishkekten kóshirý úshin 550 mıllıon dollar qajet. Al aınalma jol qurylysymen birge ol 1 mıllıardqa aınalady», deıdi depýtat astanany sol qalaǵa kóshirýdi meńzegendeı bolyp.
Sondyqtan, Marıpovtyń sózinshe, mınıstrler kabınetin basqa qalaǵa kóshirse, Bishkektegi keptelis máselesi sheshiledi.