2024 jyly Almaty búdjetine 24% ósimmen 1 874 mlrd teńge salyq jáne tólemder tústi. Bul rette túsimderdiń shamamen 70% - y SHOB damytý esebinen qamtamasyz etilgen. Bul týraly Almaty qalasynyń Qarjy basqarmasy jergilikti búdjettiń kirisi qala ekonomıkasynyń qarqyndy ósýiniń arqasynda aıtarlyqtaı ósim kórsetip otyrǵanyn atap ótti.
Aıta keteıik, ótken jyldyń jeltoqsan aıynda qala máslıhaty Almatynyń 2025-2027 jyldarǵa arnalǵan búdjetin bekitti. Elimizdiń tarıhynda tuńǵysh ret Almatynyń qalalyq búdjeti aǵymdaǵy jylǵa 2,2 trln teńgeden asty. Bul 2022 jyldyń basymen salystyrǵanda 2,1 ese joǵary. Aýdandar búdjeti de ósýdi kórsetýde. Máselen, fýnksıalardy ortalyqsyzdandyrýdy eskere otyryp, Almatynyń 8 aýdanynyń búdjeti 2022 jylǵa qaraı 6 ese ósýmen 293,6 mlrd teńge somasynda bekitildi.
2023 jyldyń basynan beri Almaty qalasynyń ákimdigi iri ınfraqurylymdyq jobalardy iske asyrý úshin jobalyq qujattarǵa úlken daıyndyq júrgizdi. Nátıjesinde, 2025 jyly damý búdjeti 2022 jylǵa qaraı 2,2 esege ulǵaıyp, 458 mlrd teńgege jetti.
Memleket basshysynyń azamattardyń ál-aýqatyn údemeli arttyrý týraly tapsyrmasyna sáıkes, Almaty búdjeti óziniń áleýmettik baǵdarlanýyn saqtaıdy. Bul salaǵa 2025 jyly 40% - dan astam nemese 894,3 mlrd teńge tıesili.
Eske salsaq, qala ekonomıkasynyń qarqyndy damýyn jáne jergilikti búdjet kiristeriniń aıtarlyqtaı ósýin eskere otyryp, 2024 jylǵy 6 jeltoqsanda Fitch Ratings Almatynyń «VVV+» deńgeıindegi derbes kredıttik reıtıńin, «Turaqty» boljamyn rastady.