V Dúnıejúzilik kóshpendiler oıyndarynda kókpardan Qazaqstan men Qyrǵyzstan arasyndaǵy oıyn tartysqa toly bolyp, 5:4 esebimen otandastarymyz jeńiske jetken bolatyn, dep habarlaıdy aqshamnews.kz.
Búgin belgili bolǵandaı, Qyrǵyzstan kókbóri federasıasynyń ókilderi Qazaqstanǵa 1 qarashada qarymta kezdesý ótkizýdi usynyp otyr.
"Biz 1 qarashada sol baıaǵy qurammen kókbóri men kókpar oınaýdy usynamyz. Bul – sport. Oıyn eki halyq arasynda alaýyzdyq týdyrmaýy tıis. Biz halyqtarymyzdyń kelisimi úshin jeke ambısıalardan bas tartýǵa daıynbyz. Tóreshi basqa elden bolady", - dedi kókbóri federasıasynyń basshysy Ramıs Júnisalıev baspasóz májilisinde.
Bul jarys "Kelisim kýbogy" dep atalmaq. Olar 16 qyrkúıekte Qazaqstan kókpar federasıasyna shaqyrý hat jibergen.