Qazaqstanda 33 eldiń stýdentteri, kásipkerleri, akademıalyq kóshbasshylary men korporatıvtik bıznes basshylary osy aýqymdy oqıǵaǵa jınalady.
ENACTUS stýdentteriniń barlyq bıznes-jobalary BUU-nyń turaqty damýynyń 17 maqsatyna jetýge baǵyttalǵan jáne bolashaq bıznes kóshbasshylarynyń mansabynyń bastamasy bolyp keledi. Álemdegi 1000-nan astam ýnıversıtetter stýdentterdiń kóshbasshylyǵy men iskerlik daǵdylaryn damytý úshin tájirıbege baǵyttalǵan ENACTUS platformasyn paıdalanady, dep habarlaıdy aqshamnews.kz.
ENACTUS World Cup – bul 2001 jyldan bastap jyl saıyn ótkizilip kele jatqan jáne kásipkerlik qyzmet arqyly áleýmettik bastamalar men progresti kórsetýge múmkindik beretin is-shara. Álemdik kýbokty ótkizý quqyǵyna ıe bolý – bul ENACTUS-tyń Qazaqstandaǵy sońǵy 15 jyldaǵy jetistikterin moıyndaý, sondaı-aq halyqaralyq áriptester tarapynan joǵary senimniń dáleli.
ENACTUS álem kýbogynyń alańy álemniń túkpir-túkpirinen kelgen jas kásipkerler arasynda bilim, ıdeıa jáne tájirıbe almasý úshin jarys formatynda 2000 qatysýshyny biriktiredi. Jastar ekologıalyq máselelerdi sheshýdiń ınovasıalyq tásilderin kórsetetin, turaqty qoǵamdastyqtardyń damýyna yqpal etetin jáne adamdardyń ómirindegi oń ózgeristerge shabyttandyratyn óz jobalaryn usynady.
Qazaqstannyń múddesin ENACTUS KAZAKHSTAN 2024 Ulttyq chempıony – Taldyqorǵan qalasyndaǵy İ.Jansúgirov atyndaǵy Jetisý ýnıversıtetiniń komandasy qorǵaıdy.