Qyrǵyzstanda 19 qyrkúıek Ulttyq aza tutý kúni dep jarıalandy.
Tájikstan men Qyrǵyzstan shekarasyndaǵy qaqtyǵystardyń saldarynan barlyǵy 94 adam qaza taýyp, 150-den astam adam jaraqat aldy, dep habarlaıdy Almaty-akshamy.kz Inbusiness.kz silteme jasap.
Eki el arasyndaǵy qaqtyǵys 14 qyrkúıekten 16 qyrkúıekke deıin jalǵasty.
Eki eldiń úkimetteriniń jeksenbilik málimdemesine súıensek, qaqtyǵys qurbandarynyń jalpy sany 94-ke jetti. Qyrǵyzstan bıligi shekara mańyndaǵy Batken oblysyndaǵy qaqtyǵys nátıjesinde 59 adam qaza taýyp, taǵy 144 adam jaraqat alǵanyn habarlady.
Tájikstan Syrtqy ister mınıstrligi tájik tarapynan zardap shekkenderdiń sanyn birinshi ret atady. Vedomstvonyń Feısbýktegi paraqshasynda 35 qaza tapqan jáne 25 jaralanǵan tájik azamattary týraly habarlanǵan, olardyń arasynda áıelder men balalar bar.