Álemdik reıtıń jańartyldy.
Áıelder tenısi qaýymdastyǵy (WTA) jańartylǵan álemdik reıtıńti jarıa etti, dep habarlaıdy Almaty-akshamy.kz QazAqparatqa silteme jasap.
Qazaqstannyń birinshi raketkasy Elena Rybakına úsh satyǵa joǵarylap, 22-shi orynǵa jaıǵasty.
Elimizdiń úzdik tenısshisi Slovenıadaǵy Portoroj jarysynyń fınalyna deıin jetýi arqasynda reıtıńtik upaı sanyn 1855-ke jetkizdi.
E.Rybakına búgin bastalǵan Tokıo WTA 500 týrnırinde sátti óner kórsetse, reıtıńin jaqsarta alady. Ol erteń álemniń 30-shy raketkasy, reseılik Lúdmıla Samsonovamen alǵashqy aınalymda kortqa shyǵady.
Álemdik reıtıńte taǵy bir qazaqstandyq Iýlıa Pýtınseva 36-dan 41-ge tómendedi.
Juptyq synda Anna Danılına 20-ornynda qalsa, E.Rybakına 102-den 100-satyǵa ilikti.