Buǵan deıin memlekettik aıyptaýshy tarap bárin kináli dep tanýdy suraǵan bolatyn
Sot barlyq aıyptalýshylardy 2020 jyldyń qazan aıynda tártipsizdikterdi uıymdastyrý isinde qylmys quramynyń bolmaýyna baılanysty aqtady. Mundaı sheshim búgin el astanasynyń Pervomaı aýdandyq sotynda ótken otyrysta shyǵaryldy, dep habarlaıdy Almaty-akshamy.kz QazAqparatqa silteme jasap.
Kabar agenttiginiń málimetinshe, buǵan deıin memlekettik aıyptaýshy tarap bárin kináli dep tanýdy suraǵan bolatyn. Prezıdent apparatynyń buryǵy basshysy Farıd Nıazov sot zalynda qamaýdan bosatyldy. Burynǵy prezıdent Almazbek Atambaev tártipti buzǵany osy is boıynsha ótken úshin sot zalynan shyǵaryldy.
Aıta ketsek, 2020 jyldyń 5-6 qazanynda el astanasynda Jogorký Kenesh depýtattaryn saılaý qorytyndylaryn burmalaýǵa qarsy jappaı narazylyq sherýleri ótken bolatyn. Osydan keıin jappaı tártipsizdikter oryn alyp, saldarynan azamattar zardap shekti. Kolonıalardan birqatar sottalǵan saıasatkerler shyǵaryldy. Onyń ishinde burynǵy prezıdent Almazbek Atambaev ta bar. Ol qylmys serkesi Azız Batýkaevty zańsyz bostandyqqa jibergeni úshin 11 jylǵa sottalǵan bolatyn. Keıin 2020 jyldyń qazan aıynda jappaı tártipsizdikter boıynsha qylmystyq is júrgizý aıasynda Almazbek Atambaev, prezıdent apparatynyń burynǵy basshysy Farıd Nıazov, MUQK burynǵy qyzmetkeri Qanat Saǵymbaev, İİM basshysynyń burynǵy orynbasary Kýrsan Asanov, belsendi Temirlan Sultanbekov jáne saıasatker Jenısh Moldokmatov ustaldy.