Bıyl syılyq alýǵa 300-ge jýyq ótinim kelip túsken
Prezıdent Teleradıokesheni quramyndaǵy «Qazaq TV» telearnasy «Tumar» ulttyq televızıalyq júldesin jeńip aldy, dep habarlaıdy Almaty-akshamy.kz QazAqparatqa silteme jasap.
«Qazaq TV» telearnasy ázirlegen turmystyq qorlyq-zombylyqqa qarsy «Jena» jobasy «Úzdik rejıserlik jumys» nomınasıasynda jeńimpaz atandy. Ony tanymal rejıser Qanat Beısekeev túsirgen.
«Qanat, bul seniń syılyǵyń. Ol qazir túsirilimde júr, sondyqtan búgin kele almady. Biraq ol barshańyzǵa sálem joldady jáne kásibı merekemen quttyqtady. Áriptesterimdi quttyqtaǵym keledi jáne jumystaryńyzdan lázzat alýdy tileımin. Qazir osy sahnada jas qyzymmen birge qoǵamymyzda turmystyq zorlyq-zombylyqtyń joıylýyn tilegimiz keledi», - dedi «Qazaq TV» telearnasynyń dırektory Maııa Bekbaeva.
Aıta keteıik, elordada «Tumar-2022» ulttyq televızıalyq syılyǵynyń jeńimpazdary marapattaldy. Televızıalyq sheberlik úshin beriletin «Tumar-2022» ulttyq syılyǵynda 10 nomınasıa bar. Bıyl syılyq alýǵa 300-ge jýyq ótinim kelip túsken, eń kóp ótinim «Úzdik derekti fılm», «Úzdik aqparattyq baǵdarlama», «Úzdik áleýmettik joba», «Úzdik telejýrnalıst», «Úzdik telejúrgizýshi» nomınasıalary boıynsha qabyldanǵan.
«Tumar» júldesin marapattaý keshinde «Balalar jylyna» erekshe mán berildi. Keshti balalar júrgizdi jáne barlyq jeńimpazdar balalarmen birge sahnaǵa shyqty.
«Tumar» ulttyq televızıalyq báıgesi 2017 jyly Qazaqstan Respýblıkasy Aqparat jáne qoǵamdyq damý mınıstrliginiń bastamasymen qurylǵan. Syılyq jeńimpazdary qazaqstandyq televızıany damytýǵa qosqan úlesi úshin «Tumar» músinshesi men 1 mıllıon teńge kóleminde aqshalaı syıaqy alady.