Erteń qutqarýshylar kúni. 1995 jyly Qazaqstan Respýblıkasy Prezıdentiniń Jarlyǵymen Qazaqstan Respýblıkasynyń tótenshe jaǵdaılar jónindegi memlekettik komıteti qurylǵan bolatyn. Osynyń negizinde 19 qazan Qutqarýshylar kúni bolyp belgilendi.
Qutqarýshylar azamattyq qorǵanysynyń negizgi mindetterin, qurylýy men jumys isteýiniń uıymdastyrýshylyq qaǵıdattaryn, memlekettik materıaldyq rezerv qalyptastyrýdy, saqtaýdy jáne paıdalanýdy, apattyq qutqarý qyzmetteri men quralymdarynyń uıymdastyrylýy men qyzmetin aıqyndaıdy.
QR «Azamattyq qorǵaý» zańy boıynsha is-sharalardy júrgizý prosesinde týyndaıtyn qoǵamdyq qatynastardy retteıdi ári tabıǵı jáne tehnogendik sıpattaǵy tótenshe jaǵdaılar men olardyń saldarlaryn aldyn alýǵa jáne joıýǵa, tótenshe jaǵdaı aımaǵyndaǵy halyqqa shuǵyl medısınalyq jáne psıhologıalyq kómek kórsetýge, órt qaýipsizdigi men ónerkásiptik qaýipsizdikti qamtamasyz etýge baǵyttalǵan.
Qutqarýshy mamandyǵynyń eń basty mindeti adamdar ómirin qutqarý, bul joǵary jáne jaýapty mısıa. Olardyń basty mindeti — halyqtyń beıbit ómirin, turmystaǵy, óndiristegi qaýipsizdigin qamtamasyz etip, apattyq jaǵdaıǵa jol bermeý. Apat aıtyp kelmeıdi. Tosynnan bolǵan apat kezinde azamttarǵa birinshi bolyp kómekke umtylatyn tótenshe jaǵdaılar qyzmetiniń qutqarýshylary. Bul is kez kelgenniń qolynan kele bermeıdi. Oǵan úlken júrek, mashyq, bilim men bilik jáne tájirıbe kerek.
Ár óńirdegi departtamentte de jedel qutqarý jasaǵy, órt sóndirý, apattyq medısına, sýdan qutqarý sekildi birneshe qurylym bar. Qutqarýshylarǵa fızıkalyq jaǵynan myqty ári kásibı maman bolý jetkiliksiz. Óıtkeni, olardyń tynymsyz qyzmetinde apat, zilzala, órtten bólek túrli jaǵdaılarda zardap shekkenderge psıhologıalyq kómek kórsetýge de týra keledi.