Búgin aparattyq keńeste Tótenshe jaǵdaı mınıstri Syrym Sháriphanov TJM beıindi qurylymdyq bólimshelerge órt sóndirýshiler men qutqarýshylar úshin jańa forma ázirleýdi tapsyrdy.
Mınıstrdiń tapsyrmasyna sáıkes jaýapty qyzmetkerlerden turatyn jumys toby qurylady, dep habarlaıdy Almaty-akshamy.kz.
Olar yńǵaıly jáne fýnksıonaldy arnaıy forma jasaý jónindegi qatardaǵy órt sóndirýshiler men qutqarýshylardyń búkil usynystaryn eskeredi.
Jumys toby osy baǵyttaǵy eń úzdik álemdik tájirıbelerdi de zerttemek.
«Órt sóndirý jáne avarıalyq-qutqarý jumysy kóbinese jeke quram úshin qıyn ári kúrdeli ótedi. Osyǵan baılanysty forma yńǵaıly jáne fýnksıonaldy bolýy kerek. Bizdiń mindetimiz – qutqarýshylarǵa ózderiniń fýnksıonaldyq mindetterin oryndaý kezinde barynsha jaılylyqty qamtamasyz etý. Dál osyndaı taktıka olardy zamanaýı qutqarý tehnıkasymen qamtamasyz etýge qatysty bolýy kerek», - dep atap ótti Syrym Sháriphanov.