Sebebi qar kóshkini qaýpi saqtalady.
Almatylyq qutqarýshylar qala turǵyndary men qonaqtaryn aldaǵy kúnderi taýǵa shyqpaýǵa shaqyrdy, dep habarlaıdy Almaty-akshamy.kz.
«Jylymyqtyń áserinen qar jamylǵysy turaqsyz jáne bıik. Osyǵan baılanysty 5-8 sáýir aralyǵynda Kishi jáne Úlken Almaty sý alaptarynda qar kóshkini qaýpi saqtalady. Osyǵan oraı, qala turǵyndary men qonaqtaryna taýlar men qarly tik jartastarǵa shyqpaýǵa keńes beremiz. Taýda abaı bolyńyzdar», - delingen Almaty qalalyq tótenshe jaǵdaılar departamenti taratqan habarlamada.
Esterińizge sala ketcek, 4 sáýir kúni «Qazgıdromet» elimizdiń qalalarynda qalyptasatyn aýa sapasy týraly málimet usynǵan bolatyn. Bul málimet boıynsha, Nur-Sultan, Shymkent, Aqtaý, Qaraǵandy, Temirtaý qalalarymen qatar, Almaty qalasynda da qolaısyz meteorologıalyq jaǵdaı kútiledi.