Adamdardyń ótýin shekteý úshin blokpostar qoıyldy.
Almatyda profılaktıkalyq qar kóshkinin túsirý jumystary júrgizilip jatyr, dep habarlaıdy Almaty-akshamy.kz.
Taýly jerlerde jaýyn-shashynnyń túsýine jáne qar jamylǵysynyń turaqsyz bolýyna baılanysty Kishi jáne Úlken Almaty sý alaptarynda 25-28 naýryz aralyǵynda qar kóshkini qaýpi saqtalady.
«Búgin «Shymbulaq» aýmaǵynda qaýipsizdikti qamtamasyz etý úshin «Avalancher» pnevmatıkalyq qondyrǵy arqyly Kishi Almaty ózeni baseıninde kóshkinderdi túsirý boıynsha aldyn alý profılaktıkalyq jumystary júrgizildi. Nátıjesinde 600 tekshe metr qar tastaldy», - dep habarlady Almaty qalalyq tótenshe jaǵdaılar departamentiniń baspasóz qyzmeti.
Sonymen qatar, taýly jerlerde qar kóshkini qaýpiniń bolýyna baılanysty jáne tótenshe jaǵdaılardy boldyrmaý maqsatynda Medeý, Shymbulaq, Tuıyq sý shatqalynda avtokólikter men adamdardyń ótýin shekteý úshin blokpostar qoıyldy.
Sondaı-aq, TJD qala turǵyndary men qonaqtaryn taýǵa barýdan bas tartýǵa, aýa raıynyń jaǵdaıyn baqylaýǵa, qar kóshkinin týdyrýy múmkin tik qarly betkeılerge shyqpaýǵa, tótenshe jaǵdaılardy boldyrmaý maqsatynda barlyq qaýipsizdik sharalaryn saqtaýǵa shaqyrdy.