Pavlodar oblysyndaǵy «Maıqaıyńaltyn» AQ aýmaǵanyda apattan qaza tapqan qutqarýshylardyń otbasyna kómek retinde bólingen qarjy tolyǵymen berildi dep quzyrly oryndar málimdegen bolatyn. Alaıda qutqarýshynyń qyzy vıdeo arqyly bul aqparatty joqqa shyǵardy.
Iana Osalodkova ákesiniń qaıtys bolǵany týraly kórshilerinen bilgenin aıtady. Ákesinen aıyrylǵan boıjetken memlekettik organdar men kenish ókilderinen kómek joq dep málimdep otyr.
«Jerleýden keıin bári bizdi umytty. Men qazir ne jaǵdaı bolyp jatqanyn da bilmeımin. Sondyqtan tótenshe jaǵdaılar qyzmetinen nemese «Maıqaıyńaltyn» AQ basshylyǵynan habarlasýyn suraımyn! Bizge qaldyrǵan telefondardyń barlyǵy jaýap bermeıdi. Instagramda jazǵandaı, bizge tórt mıllıon teńge emes, eki mıllıon teńge ǵana bólindi», - deıdi Iana.
Iananyń aıtýynsha qamtamasyz etilýi tıis tegin psıhologıalyq kómektiń bolmaǵandyǵynan óz qaltasynan psıhologqa 500 myń teńge tólegen.
«Bul qajetti shara. Mende júıke buzylyp, kúızelis kúsheıdi. Óıtkeni bir jarym jyl buryn men anamdy jerlegenmin. Men úshin ákem – batyrym, qorǵaýshym bolatyn. Ákemmen birge sheshimniń qazasynan soń kúızelisten birge shyqtyq. Qazir men qoldaýshysyz qaldym, ne isterimdi de bilmeımin. bılik organdarmen de, basshylyqpen de, kásiporynmen de baılanys joq. Barlyǵy jasyrynyp qalǵandaı. Osy bir qıyn kezde aǵam ekeýmiz jalǵyz qalǵandaı kúı keshýdemiz», - deıdi boıjetken kózine jas alyp.