Bul ıgi is búgingi kúni óte kerek dep oılaımyn.
Almaty qalasy qoǵamdyq keńesiniń múshesi, Halyqaralyq «Qabanbaı» qorynyń tóraǵasy Qusman Kárimuly metro beketteriniń ataýyn ózgertý tulǵalar esimin nasıhattaýǵa zor úles qosatynyna senimdi, dep habarlaıdy Almaty-akshamy.kz.
Qalalyq qoǵamdyq keńesiniń múshesi Almaty metropolıteninde salynyp jatqan eki stansanyń ataýyn ózgertýge qatysty usynylǵan eki tulǵa da óz zamanyndaǵy aýyz toltyryp aıtatyndaı búgingi urpaqqa batyrlyqtyń naqty úlgisin kórsetip ketkenin alǵa tartty.
«Batyr esimderin nasıhattaý bizge máńgi amanat bolyp qalady. Qala ákiminiń osyndaı ıgi is jasaǵanyn, usynysyn qoldaımyn. Sebebi, biz qazir búgingi jastardy rýhtandyryp, ulttyq sezimderin oıatýymyz kerek», - deıdi Q. Kárimuly.
Onyń aıtýynsha bul bastama Elbasynyń «Uly dalanyń jeti qyry» atty maqalasyndaǵy «Ulylardy ulyqtaý» degen bólimi údesinen shyǵady.
«Bul ıgi is búgingi kúni óte kerek dep oılaımyn. Bizde esimi áli kúnge belgisiz talaı batyrlar bar. Qabanbaı babamyzdyń keler jyly 330 jyldyǵy. Baýyrjan batyrmen birge úzeńgiles bolǵan qanshama batyr ul qyzdarymyz bar. Basqa da batyrlardyń esimin berý dástúrge aınalý kerek dep oılaımyn», - dedi ol.
Árbir batyrdyń esimi el esinde, el aýzynda júrý kerek. Qazaqta beımálim batyrlardyń esimin jınaqtap, olarǵa arnap músin qoıylý kerek. Sondyqtan osyndaı ıgi ister jalǵasyn tapsa degen pikirin de ortaǵa saldy.