Bas prokýror: Áýejaılar mańynda jem izdegen qustar jınalatyn 350 ǵımarat zańsyz salynǵan. Qazaqstanda Qostanaı áýejaıynyń mańyndaǵy áýe aılaǵy ǵana talapqa saı keledi. Óıtkeni, ózge óńirlerde áýejaı mańyna taıaý ruqsatsyz salynǵan ǵımarattar kóp, dep habarlaıdy almaty-akshamy.kz Aikyn.kz -ke silteme jasap.
Ózge aımaqtardyń áýejaıy mańaıynda Azamattyq avıasıa komıtetiniń ruqsatynsyz 100 myńnan astam ǵımarat zańsyz salynǵan. Bul týraly Bas prokýror Berik Asylovtyń Májilis depýtattarynyń saýalyna bergen jaýabynda aıtylǵan.
«QR Áýe keńistigin paıdalaný jáne avıasıa qyzmeti týraly» zańnyń 90-babynyń 4-tarmaǵyna sáıkes áýe aılaǵynyń baqylaý núktesinen on bes shaqyrym jaqyn qashyqtyqta taǵam qaldyǵyn tastaıtyn oryndardy, ań-qus fermalar, qasaphanalar jáne qustar toptalatyn basqa da nysandardy salýǵa tyıym salynady. Tyıym salýǵa qaramastan, áýejaılardyń mańynda jemtik izdegen qustar jınalatyn 350 obekti salyndy. Áýejaılardyń janyndaǵy qoqys polıgondary áýe tasymalynyń qaýipsizdigin nasharlatqan. Mysaly, Almaty qalasynyń áýejaı aımaǵynda osyndaı 10-nan astam nysan jumys isteıdi. Azamattyq avıasıa komıtetiniń maquldaýynsyz Shymkent qalasy áýejaıynyń 4 shaqyrym aınalasynda 1 303 nysan salyndy. Osyndaı faktiler elimizdiń barlyq óńirinde (Qostanaı oblysyn qospaǵanda – red.) anyqtaldy. Tıisti kelisimsiz 100 myńnan astam túrli qurylys nysany salyndy», – dep jaýap bergen Berik Asylov.