Qurylysy uzaqqa sozylǵan sport nysanyna qatysty is qaralǵan kezde sot ákimdiktiń jaǵyna shyqty. Bul týraly qalalyq nysandardy aralaý kezinde Almaty ákimine beıindi basqarmanyń ókilderi baıandady, dep habarlaıdy almaty-akshamy.kz
Alataý aýdanyndaǵy tenıs ortalyǵy kelýshiler úshin osydan eki jyl buryn esigin ashýy tıis edi. Kúni búginge deıin ǵımarat paıdalanýǵa daıyn emes. Sport ortalyǵyn salýǵa búdjetten qarajat alǵan «PMK-7K» JSHS merdiger uıymy mindettemelerin oryndamaǵany úshin memlekettik satyp alýlardyń josyqsyz qatysýshysy bolyp tanyldy.
Sot kompanıaǵa aıyppul tóleýge, sondaı-aq jumys istemegen avansty qaıtarýǵa mindettedi. Merdiger sheshimge qarsy shyǵýǵa tyrysty, biraq azamattyq ister jónindegi sot alqasy apelásıalyq shaǵymdy ózgerissiz qaldyrdy. Erbolat Dosaev beıindi basqarmalarǵa atqarylǵan jumystarǵa tehnıkalyq aýdıt júrgizýdi jáne obektiniń qurylysyn aıaqtaý jóninde usynystar engizýdi tapsyrdy.