Yqshamaýdandardaǵy kóptegen bos telimderdi abattandyrý josparlanýda.
2022 jylǵy «Halyqtyń qatysý búdjeti» jobasynyń aıasynda halyqtyń usynysy boıynsha 800 mln. teńgege 23 joba iriktep alyndy, dep habarlaıdy Almaty-akshamy.kz
«Aýdan turǵyndarynyń ótinishterin taldaý nátıjesinde sıpaty boıynsha ótinishterdiń jartysy ýchaskelerdi abattandyrýǵa nemese aýla aýmaqtaryna jóndeý júrgizýge qatysty ekenin atap ótemin», - dedi Erbolat Dosaev Áýezov aýdanyndaǵy halyqpen kezdesýinde.
2022 jylǵy «Halyqtyń qatysý búdjeti» jobasynyń aıasynda halyqtyń usynysy boıynsha 800 mln. teńgege 23 joba iriktep alyndy (2021 jyly 22 joba). Bul jobalarda skverlerdi, jaıaý júrginshiler aımaqtaryn jóndeý, sondaı-aq bos jatqan ýchaskelerdi abattandyrý jumystaryn júrgizý qarastyrylǵan.
Osylaısha, 1, 3, 7, 8, 11 jáne Mamyr-3, Aqsaı-3B yqshamaýdandaryndaǵy kóptegen bos telimderdi abattandyrý josparlanýda. Búginde Shalov býlvaryn abattandyrýdyń jobalyq-smetalyq qujattamasy ázirlenýde.
Mamyr-1 yqshamaýdanynda jaıaý júrginshiler aımaǵyn ornalastyrýdyń jobalyq-smetalyq qujattamasyn ázirleý jumystary da bastaldy, aǵymdaǵy jyldyń sońyna deıin Aqsaı 2 yqshamaýdanyndaǵy aleıa abattandyrylady.
Sonymen qatar, 191 aýla aýmaǵynda kúrdeli jóndeý jumystary júrgiziledi.
«Saıran kóliniń máselelerine bólek toqtalǵym keledi. Abattandyrý jumystaryna kóldiń túbin tazalaý men jaǵalaý aımaǵyn retke keltirý jatady. Búgingi tańda Saıran kóliniń bógetterine kópfaktorly zertteý júrgizildi, bógettiń jaǵdaıy týraly oń qorytyndy bar. Shilde aıynda kól túbin tazalaý boıynsha jobalyq-smetalyq qujattamaǵa memlekettik saraptamanyń qorytyndysyn alamyz dep otyrmyz. Jaǵalaý aımaǵyn damytý úshin aǵymdaǵy jyldyń qyrkúıek aıynda jobalyq-smetalyq qujattamany ázirleý jáne memlekettik saraptamadan ótý jumystary aıaqtalady dep kútip otyrmyz. Aǵymdaǵy jyldyń III toqsanynda kól túbin tazartý men ony jaqsartý úshin qurylys-montaj jumystaryna qarjy bólý máselesin qarastyramyz», - dep atap ótti qala ákimi.