Eki eldiń yntymaqtastyǵy qazirgi ýaqytta da sátti damyp kele jatyr.
Germanıa 2005 jyldan beri Qazaqstan ekonomıkasyna 5,5 mlrd dollar tikeleı ınvestısıa saldy. Bul týraly QR Premer-Mınıstriniń birinshi orynbasary Roman Sklár aıtty, dep habarlaıdy Almaty-akshamy.kz QazAqparatqa silteme jasap.
«Pandemıadan týyndaǵan shekteýler jaǵdaıynda biz ekijaqty ekonomıkalyq yntymaqtastyqty damytý tendensıasyn saqtap qana qoımaı, sonymen birge onlaın formatty barynsha paıdalana otyryp, naqty jobalar men usynystardy ilgerilete aldyq. Búginde Germanıa Qazaqstannyń mańyzdy seriktesi bolyp otyr. Saýda-ekonomıkalyq yntymaqtastyqty tereńdetýge, ınvestısıalardy yntalandyrýǵa jáne ózara qorǵaýǵa baǵyttalǵan birqatar úkimetaralyq kelisim jumys isteıdi», - dedi Roman Sklár elordada ótip jatqan Qazaqstan-german bıznes forýmynda.
Onyń atap ótýinshe, eki eldiń yntymaqtastyǵy qazirgi ýaqytta da sátti damyp kele jatyr. Memleket basshysy Qasym-Jomart Toqaevtyń 2019 jáne 2020 jyldardaǵy Germanıaǵa saparynan keıin ózara qarym-qatynas qarqyn ala tústi.
«Birlesken ınvestısıalyq jobalardy júzege asyrý barysynda týyndaıtyn suraqtar men máselelerdi sheshýge baǵyttalǵan úkimettik jumys toby quryldy. Sonymen qatar yntymaqtastyqtyń aǵymdaǵy máselelerin talqylaý úshin germanıalyq kompanıalarmen aı saıyn, onyń ishinde onlaın formatta da kezdesýler ótkiziledi. Investısıa turǵysynan alyp qarasaq, 2005 jyldan beri bizdiń ekonomıkamyzǵa Germanıadan shamamen 5,5 mlrd dollar tikeleı ınvestısıa quıyldy. Onyń basym bóligi óńdeý ónerkásibine salyndy», - dedi ol.