Elordalyq polıseıler metal urlaǵan kúdiktini ustady
Nur-Sultan qalasy Krımınaldyq polısıa qyzmetkerleri jedel-izdestirý is-sharalaryn júrgizý kezinde urlyq jasady degen kúdikpen er adamdy ustady, - dep habarlaıdy Almaty-akshamy.kz Inform.kz-ke silteme jasap.
«Tergeý barysynda anyqtalǵandaı, 47 jastaǵy qaskúnem keshki ýaqytta qurylys nysanynan 9 dana lıftiniń baǵyttaýshy quraldaryn urlap ketken. Ol urlanǵan zatty metal synyqtaryn qabyldaý pýnktine ótkizip úlgergen. Buryn urlyq jasaǵany úshin sottalǵan ustalǵan azamat óz kinásin moıyndady, onyń elorda aýmaǵynda buryn jasalǵan basqa qylmystarǵa qatysy bar-joǵy tekserilýde», - dep habarlady qalalyq polısıa departamentinen.
Atalǵan fakti boıynsha sotqa deıingi tergeý amaldary júrgizilýde. Kúdikti Nur-Sultan qalasy Polısıa departamentiniń ýaqytsha ustaý ızolátoryna qamaldy.
Elordalyq polıseıler túrli-tústi jáne qara metaldardyń satý jáne zańsyz aınalym oryndaryn únemi tekserip otyrady.