Ulttyq quryltaı jumysyna jańa qoǵam ókilderi qosyldy.
Turlyhanov, Daırabaev, Ýálı Ulttyq Quryltaı quramynan shyǵaryldy, dep habarlaıdy Almaty-akshamy.kz Aqordanyń baspasóz qyzmetine silteme jasap.
2024 jylǵy 19 qańtarda Aqordanyń baspasóz qyzmeti Ulttyq Quryltaıdyń quramyndaǵy ózgerister týraly habarlady. Resmı aqparatta atap ótilgendeı, Ulttyq quryltaı jumysyna jańa qoǵam ókilderi qosyldy:
QR Bala quqyqtary jónindegi ýákil Dınara Zákıeva,
"Qazaqstan kárister qaýymdastyǵy" ZTB tóraǵasy Iýrıı Shın,
Qazaqstannyń Eńbek Eri, Semeı qalasyndaǵy № 7 mektep-lıseıiniń muǵalimi Alma Shuqyjanova,
QR Parlament Májilisiniń depýtattary Nurlan Áýesbaev, Nıkıta Shatalov,
Zhubanov university basqarma-tóraǵasy, rektor Laýra Qarabasova,
para jeńil atletıka boıynsha sportshy Aısulý Súleımenova,
dúngen etnosynyń kóshbasshysy Lýgmar Býlarov,
"Azattyq rýhy" aqparattyq agenttiginiń telejúrgizýshisi, jýrnalıs Krıstına Grınko tartyldy.
Budan bólek quramǵa birneshe aımaqtan qoǵamdyq keńes músheleri kirdi.
"Ulttyq quryltaı quramynan B. Álteev, A. Tolamysov, G. Qanaı, S. Ogaı, J. Daırabaev, Q. Maıgeldinov, B. Ýálı, A. Tımoshenko-Borovıkova, S. Sarybaı, D. Turlyhanov, A. Lodochnıkov, S. Quranbek, E. Sýlarov shyǵaryldy", - dep atap ótti baspasóz qyzmeti.
Qazirgi ýaqytta Memleket basshysynyń "Egemen Qazaqstan" gazetine bergen suhbatynda habarlanǵandaı kóktemde ótetin Ulttyq quryltaıdyń úshinshi otyrysyna daıyndyq jumystary júrgizilýde.