Amanat partıasynyń Naýryzbaı aýdandyq fılıalynda saıası qýǵyn-súrgin qurbandaryn jáne asharshylyq qurbandaryn eske alýǵa arnalǵan is-shara ótti.
Jıynǵa Naýryzbaı aýdanynan saılanǵan máslıhat depýtattary men ardagerler keńesiniń músheleri qatysty. Jınalǵan qaýym qýǵyn-súrgin men asharshylyq qurbandaryn bir mınýt únsizdikpen eske aldy.
«Tarıhı, erekshe kúnderdiń biri. Ata-babamyz kórgen qıyndyqty kórmesek te, estip, bilip óstik. Biraq sol repressıa qurbandarynyń súıegi qaıda qalǵanyn bilmeımiz. Kómýsiz qaldy. Shyn máninde, 1917–1953 jyldar aralyǵynda 4,5 mıllıon qazaqtan aıyryldyq. 1918 jylǵy sanaq boıynsha, qazaq halqynyń sany 6,5 mıllıon bolǵan. Azapty jyldardyń qasireti eshqashan umytylmaıdy», – dedi Naýryzbaı aýdandyq ardagerler keńesiniń tóraǵasy Mádenıet Kárkenov.