Qazaqstan musylmandary dinı basqarmasynyń qoǵam aldyndaǵy negizgi qyzmetiniń biri – qaıyrymdylyq sharalaryn uıymdastyrý.
QMDB kómekke muqtaj jandardy qoldaý maqsatynda bıyl da qurban shalýdy oflaın jáne WWW.QURBAN2024.KZ saıty arqyly onlaın júzege asyryp otyr, dep habarlaıdy Almaty-akshamy.kz Muftyat.kz-ke silteme jasap.
Qurban aıttyń alǵashqy kúni, ıaǵnı, 16 maýsymdaǵy málimet boıynsha respýblıka kóleminde jalpy sany 20 236 mal shalynsa, 1 788 tapsyrys qurban2024.kz saıty arqyly berilgen. Tarqatyp aıtsaq, qoı – 17 327, eshki – 1 597, iri qara – 1 307, túıe – 5.
Barlyq málimetti jınaqtap aıtqanda, elimiz boıynsha 62 561 otbasyǵa, 136 mekemege qurbandyq eti taratyldy.
Eske sala keteıik, onlaın formatta qurban shalýǵa qurban2024.kz saıty arqyly tapsyrys berý búgin jáne erteńge deıin jalǵasady.