Halyqaralyq áıelder kúni qarsańynda Almatquqyqy qalasy óziniń eńbegi men kásibıligimen qalanyń damýyna úles qosyp júrgen arýlardy marapattaıdy. Osyndaı kórnekti tulǵalardyń biri Qazaqstan Respýblıkasy İİM Maqan Esbolatov atyndaǵy Almaty akademıasynyń quqyq qorǵaý qyzmetin basqarý kafedrasynyń meńgerýshisi, polısıa polkovnıgi Maııa Toqsanova bolyp tabylady, dep habarlaıdy aqshamnews.kz
Óńirlik komýnıkasıalar qyzmetiniń baspasóz konferensıasynda Maııa Bolatqyzy óziniń kásibı jolymen bólisip, áıelder úshin polısıa qyzmeti tek qana synaq emes, sonymen qatar júıeni jaqsy jaqqa ózgertý múmkindigi ekenin atap ótti.
İshki ister organdaryndaǵy qyzmetin Maııa Toqsanova 1990 jyly bastaǵan. Almatyǵa Batys Qazaqstan oblysynan kelip, óz eńbek jolyn zańǵa jáne quqyq tártibine arnaýdy uıǵardy. Birneshe jyl qajyrly eńbekten soń ol joǵary ataqqa qol jetkizip qana qoımaı, quqyq tártibi júıesin damytýǵa da eleýli úles qosty.
«Men árdaıym kásibılikti birinshi orynǵa qoıatynmyn. Eger siz ózińizdiń qolyńyzdan ne keletinin kórsetseńiz, bul kez kelgen salada baǵalanady», - dep atap ótti Maııa Toqsanova.
Polısıada jumys isteý shydamdylyqty, jedel sheshim qabyldaýdy jáne kez-kelgen synaqtarǵa daıyn bolýdy talap etedi. Qıyndyqtarǵa qaramastan, polısıa arýlary kámeletke tolmaǵandar isteri, áıelder quqyǵyn qorǵaý jáne otbasylyq-turmystyq zorlyq-zombylyqqa qarsy is-qımyl bólimshelerindegi mindetterdi sátti sheshýde.
«Men azamattardyń der kezinde kórsetken kómegi men keńesteri úshin alǵystaryn kóp estidim. Áıelder bul salaǵa erekshe úles qosa alady, óıtkeni olar problemalarǵa erekshe sezimtaldyqpen qaraıdy», - dep bólisti ol.
Maııa Toqsanovanyń mansabyndaǵy mańyzdy kezeńderdiń biri Qazaqstanda ıývenaldy ádilet júıesin engizý jobasyna qatysý boldy. Ol kámeletke tolmaǵandarǵa arnalǵan mamandandyrylǵan sottardyń qajettiligin jaqtaıtyndardyń qatarynda boldy. Onyń kúsh-jigeri men áriptesteriniń arqasynda elde ıývenaldy sottar paıda boldy, al mektep ınspektorlary ınstıtýty jasóspirimder arasyndaǵy quqyq buzýshylyqtyń aldyn alýdyń mańyzdy elementine aınaldy.
«Men ózimdi osy mamandyqta júzege asyra alǵanymdy maqtan tutamyn. Eń bastysy - bul pogondardaǵy juldyzdardyń sany emes, siz laıyqty demalysqa ketetin bedelińiz jáne sizdiń tájirıbeńiz bolashaq urpaqqa paıdaly bolatynyna senimdilik», - dep atap ótti ol.
Onyń kúsh-jigeriniń arqasynda balalar men áıelderdi qorǵaýǵa baǵyttalǵan kóptegen áleýmettik jobalar iske asyryldy. Olardyń biri - «Polısıa jáne mektep», onyń aıasynda polısıa qyzmetkerleri jastar arasynda quqyqtyq saýattylyqty arttyra otyryp, mektepterde quqyq negizderin oqytady.