1837 reıd júrgizildi.
Qazaqstanda quqyq buzýshylardan 2,5 myńnan astam qylqan japyraqty aǵash tárkilendi, dep habarlaıdy Almaty-akshamy.kz Polisia.kz-ke silteme jasap.
15-31 jeltoqsan aralyǵynda elimizde “Shyrsha” JPİSH ótti. İs-sharanyń maqsaty – jańa jyl qarsańynda qylqan japyraqty aǵashtardy zańsyz kesý, daıyndaý jáne ótkizý oryndaryn anyqtaý jáne jolyn kesý.
Bazarlarda jáne basqa jerlerde 588 mobıldi top quryldy, onyń ishinde tabıǵatty qorǵaý organdarymen birlesken 321 top bar. Sondaı-aq 1837 reıd júrgizildi.
JPİSH bastalǵannan beri barlyǵy 506 adam ákimshilik jaýapkershilikke jáne 18 adam qylmystyq jaýapkershilikke tartyldy. Quqyq buzýshylardan 2,5 myńnan astam qylqan japyraqty aǵash tárkilendi. Jarty mln teńgege ákimshilik aıyppul salyndy, onyń ishinde 400 myń teńgesi óndirildi.
Polıseıler atap ótkendeı, quqyq buzýshylar kóbinese shyrshalar men qaraǵaılardy zańsyz keskeni úshin, sondaı-aq olardy belgilenbegen jerlerde ósirgeni jáne Jasyl jelekterdi kútip-ustaý jáne qorǵaý erejelerin buzǵany úshin jaýapqa tartyldy.