Jobanyń maqsaty – quqyqbuzýshylyqtyń aldyn alý.
Oqý-aǵartý mınıstrligi «Bala quqyqtary týraly konvensıaǵa habarlamalar rásimine qatysty fakúltatıvtik hattamany ratıfıkasıalaý týraly» QR Zań jobasyn ázirledi. Qujat Ashyq NQA portalynda jarıalanǵan, dep habarlaıdy Almaty-akshamy.kz.
«Bala quqyqtary týraly hattama men konvensıaǵa qatysýshy memleketter násiline, túsine, jynysyna, tiline, dinine, saıası nemese ózge de nanymdaryna, ulttyq, etnıkalyq nemese áleýmettik tegine, múliktik jaǵdaıyna, jaı-kúıine qaramastan, óz ıýrısdıksıasyndaǵy árbir bala úshin onda kózdelgen barlyq quqyqtardy teń tanıdy», - delingen qujatta.
Sonymen birge osy kelisimge saı, quqyǵy saqtalmaǵan balalardyń ózi nemese olardyń ata-anasy Birikken Ulttar Uıymynyń bala quqyqtary jónindegi komıtetine tikeleı shaǵym túsire alady.
«Jobanyń maqsaty - balalarǵa jáne olardyń ata-analaryna (zańdy ókilderine) BUU-nyń Bala quqyqtary týraly komıtetine balanyń quqyqtary týraly konvensıada bekitilgen óz quqyqtarynyń buzylýy týraly shaǵym berýge múmkindik berý. Eger bul buzýshylyqtar ulttyq sottarda tolyq sheshilmegen bolsa, sondaı-aq táýelsiz jáne beıtarap organdarǵa ótinishterdi joldaý arqyly memleket buzǵan balanyń negizgi quqyqtaryn qorǵaý tetigin damytý», - dep kórsetilgen qujatta.
Hattamany ratıfıkasıalaý týraly zań jobasy 7 sáýirge deıin kópshilik talqylaýda bolady.