Mınıstr BUU Bas hatshysyn Qazaqstannyń sý resýrstaryn ornyqty basqarý salasyndaǵy josparlary týraly habardar etti.
Qazaqstan Respýblıkasynyń Ekologıa jáne tabıǵı resýrstar mınıstri Zúlfıa Súleımenova 24 naýryzda BUU-nyń Nú-Iorktegi shtab-páterinde uıymnyń Bas hatshysy Antonıý Gýterrıshpen kezdesti, dep habarlaıdy Almaty-akshamy.kz.
Mınıstrliktiń baspasóz qyzmetinen málim etkendeı, Z.Súleımenova BUU Bas hatshysyn Qazaqstannyń sý resýrstaryn ornyqty basqarý salasyndaǵy josparlary týraly habardar etti. Bas hatshy Qazaqstannyń kúsh-jigerin joǵary baǵalap, QR-dyń Ornyqty damý maqsattaryna qol jetkizý salasyndaǵy belsendi ustanymyn atap ótti.
Aıta keteıik, Zúlfıa Súleımenova BUU-nyń Sý konferensıasynda qazaqstandyq delegasıany basqaryp otyrǵan bolatyn.
Sondaı-aq kelissóz barysynda Qazaqstannyń Ortalyq Azıa jáne Aýǵanstan elderi úshin Ornyqty damý maqsattary jónindegi BUU Óńirlik habyn qurý bastamasy talqylandy. Ideıa boıynsha shtab-páter Almaty qalasynda ornalastyrylmaq.