Qulja traktiniń jóndeletin ýchaskesinde qaýipsizdikti qamtamasyz etý úshin ýaqytsha belgi qoıyldy – ákimdik
Almaty qalalyq mobıldilik basqarmasynda Rysqulov dańǵylynan Buqtyrma kóshesine deıin Qulja traktiniń qaıta jańǵyrtylý barysy týraly habarlandy.
Esterińizge sala keteıik, jumystar aıasynda joldardy 4-ten 6 jolaqqa deıin keńeıtý josparlanýda, bul ýchaskeniń ótkizý qabiletin eki esege arttyrýǵa múmkindik beredi. Jobada jalpy uzyndyǵy 2,3 km joldy ár baǵytta 3 jolaqty qurylǵymen qaıta jańartý kózdelgen.
Basqarma búginde ýchaskeniń barlyq uzyndyǵynda joldyń negizin salý jáne asfáltbeton jabynynyń tómengi qabattaryn tóseý boıynsha jumystar júrgizilgenin atap ótti.
«Qolaıly aýa-raıy jaǵdaıynda 500 metrlik ýchaske aǵymdaǵy aptanyń sońyna deıin aıaqtalady jáne qozǵalys tolyǵymen ashyq bolady. Jol qozǵalysyna qatysýshylardyń qaýipsizdigin qamtamasyz etý úshin qaıta jańartylatyn ýchaskede ýaqytsha jol belgisi qoıyldy. Trafıktiń tyǵyzdyǵyn eskere otyryp, asfáltbeton jabynynyń joǵarǵy qabaty demalys kúnderi 15 qyrkúıekke deıin tóseledi. Osydan keıin turaqty jolaqtar jasalady», - dep atap ótti basqarma.
Sondaı-aq jol jıekterinde tosqaýyl qorshaýyn, jaryqtandyrý tirekterin jáne eki jaǵynan eni 2-den 3 metrge deıingi trotýardy ornatý boıynsha jumystar jalǵastyrylatyn bolad