Aýdanda mektepterdi oqýshy oryndarymen qamtamasyz etýge erekshe kóńil bólinedi.
Búgin Almaty ákimi Erbolat Dosaev Medeý aýdany turǵyndarymen kezdesti, dep habarlaıdy Almaty-akshamy.kz.
Maýsym aıynyń sońyna deıin №48 mektep rekonstrýksıadan ótip, 250 oryndyq qosymsha ǵımarat qurylysy aıaqtalady.
«Osy jyldyń tamyz aıynda №131 mektepti seısmıkalyq kúsheıte otyryp, kúrdeli jóndeý aıaqtalady. Sonymen qosa jeke qarajat esebinen osy mekteptiń 300 oryndyq jańa korpýsyn salýǵa jobalaý-smetalyq qujattama ázirlenýde. Jobalaý-smetalyq qujattamanyń aıaqtalý merzimi – osy jyldyń qyrkúıek aıy», - dedi E.Dosaev.
Jalpy, qosymsha qurylystar salýǵa 3 jobalaý-smetalyq qujattama, seısmıkalyq kúsheıte otyryp mektepterdi kúrdeli jóndeýge 3 jobalaý-smetalyq qujattama ázirlenýde jáne №29 mektepke qosymsha qurylys salý úshin jer ýchaskesin satyp alý jumystary júrgizilýde (qosymsha qurylystar: №35, 131, 168; kúrdeli jóndeý: №33, 99, 161; № 29 mektepke qosymsha qurylys úshin jer ýchaskesin satyp alý).
«Jaıly mektep» ulttyq jobasy aıasynda Qulja kúre jolynyń ońtústiginde 2000 oryndyq jańa mektep salynady. Qurylysty bastaý osy jyldyń
IV-shi toqsanyna josparlanǵan. Jeke ınvestordyń («MG City» JSHS) qarajaty esebinen 2024 jyly «Dýman» shaǵyn aýdanynda 1200 oryndyq mektep salý josparlanǵan.
Osy jyly 2 balabaqshany - №112 jáne №195 balabaqshany seısmıkalyq kúsheıte otyryp, kúrdeli jóndeýdi bastaý josparlanýda. Búgingi kúni
247 oryndyq 5 jeke menshik balabaqsha ashyldy, sondaı-aq bıyl taǵy 253 oryndyq 5 jeke menshik balabaqsha ashý josparlanýda.