Jaǵa ustatatarlyq jaǵdaı: er adam 60-tan asqan áıelderdiń qulaqtaryndaǵy altyn syrǵalaryn tonap kelgen
Bul áreketin ol esh qymsynbastan tapa-tal túste jasaǵan. 37 jastaǵy qaraqshy ájelerdi bas salyp. qulaqtaryndaǵy syrǵany kúshtep tartyp alǵan. Onyń keıbir osyndaı áreketteri beınebaqylaý kameralaryna túsip qalǵan, dep habarlaıdy Almaty-akshamy.kz Polisia.kz-ke silteme jasap.
«Qaskóı ózine qarsy tura almaıtyn, 60 jastan asqan áıelderdi ǵana tonaǵan. Kúdikti qamaýǵa alyndy. Bul – 37 jastaǵy B.esimdi azamat. Esh jerde jumys istemeıtin, buryn sotty bolǵan azamat ájelerdiń syrǵalaryn lombardqa tapsyryp, odan túsken aqshany óz qajettiligine jumsaǵanyn aıtty. Atalǵan derek boıynsha kóp epızodty qylmystyq is qozǵalyp jatyr», – dedi Almaly aýdandyq Polısıa basqarmasynyń bastyǵy Esen Ysqaqov.
Belgili bolǵandaı, Túrkistan oblysynyń týmasy Almatyǵa jumys isteýge kelgen. Qalada jaldamaly páterlerde turǵan. Ol buryn da osyǵan uqsas qylmysy úshin sotty bolǵan. Qazirgi ýaqytta kúdikti ýaqytsha ustaý ızolátoryna qamaldy, al tergeýshiler onyń buryn jasalǵan osyǵan uqsas qylmystarǵa qatysy bar-joǵyn tekserýde.