Qytaıda eki jyl boıy qulaqqappen uıyqtaýdy ádet etken áıel estý qabiletinen aıyryldy.
Vang esimdi áıel estý qabileti nasharlaǵanyn baıqap, qulaǵyn tekserý úshin aýrýhanaǵa bardy. Naýqastyń sol qulaǵynda nevrologıalyq estý qabiletiniń zaqymdanýy baıqalǵan, dep habarlaıdy Almaty-akshamy.kz.
Dáriger áıelden bas jaraqatyn alǵanyn nemese uzaq ýaqyt boıy qatty dybysta turdy ma dep surady. Vang eki jyl boıy qulaqqappen mýzyka tyńdap, uıyqtaǵanyn aıtty.
«Kolejde oqyp júrgenimde mýzykamen uıyqtaǵandy unatatynmyn. Eki jyl boldy, bul ádetke aınaldy», – deıdi qytaılyq áıel.
Dárigerler Vang endi estý apparatyn kıýge májbúr ekenin aıtty. Mamandar qulaqqappen kóp júrmeýge keńes berdi.