Soltústik Qazaqstanǵa kóshirý baǵdarlamasy boıynsha 1 mıllıardtan astam teńge urlanǵan
Soltústik Qazaqstanǵa qonys aýdarý baǵdarlamasynyń aıasynda memleketten bólingen qarajatty urlaý derekteri anyqtaldy, dep habarlaıdy aqshamnews.kz
Prokýratýranyń málimetinshe, baǵdarlamaǵa jalǵan tulǵalar qatysqan, ıaǵnı shynaıy qonys aýdarýshylardyń ornyna eshqashan soltústikke kóshpegen adamdardyń aty-jóni tirkelgen. Sonymen qatar, qujattar kóbinese turýǵa jaramsyz nemese apatty jaǵdaıdaǵy ǵımarattarǵa rásimdelgen, al bul ǵımarattar tómen baǵamen satyp alynǵan.
Eń soraqysy, keıbir azamattar ózderiniń qujattary boıynsha resmı túrde soltústik óńirlerge kóshirilgenderin bilmegen. Bul zańsyz áreketter Shyǵys Qazaqstan, Qaraǵandy, Aqmola, Qostanaı oblystarynda, sondaı-aq Abaı jáne Ulytaý óńirlerinde anyqtaldy. Prokýratýra osyǵan baılanysty 20-dan astam qylmystyq is qozǵap, tergeý amaldaryn bastap ketti.
Bul jaǵdaı qonys aýdarý baǵdarlamasynyń negizgi maqsatyna úlken soqqy bolyp otyr. Baǵdarlamanyń basty maqsaty – jumys kúshi jetispeıtin soltústik óńirlerge halyqty yntalandyrý arqyly ekonomıkalyq jáne áleýmettik damýdy qamtamasyz etý edi. Alaıda, sybaılas jemqorlyq derekteri bul bastamanyń bedelin túsirip, memleket qarajatynyń tıimsiz paıdalanylýyna alyp keldi.