Ekologıa jáne qorshaǵan orta basqarmasy Almaty qalasynyń mamandandyrylǵan tabıǵat qorǵaý prokýratýrasymen jáne Almatyda sıfrlyq tehnologıalardy engizý jónindegi kompanıamen birlesip, testilik rejıminde kólik quraldarynyń paıdalanylǵan gazdaryndaǵy zattardy ólsheý jáne taldaý úshin paıdalanylatyn mamandandyrylǵan aspaptar – spektrometrler ornatyldy, dep habarlaıdy aqshamnews.kz
Spektrometrler joldyń qarama-qarsy jaqtaryna tar ýchaskelerde ornatylady, kólik quralyn toqtatýdyń qajeti joq, naqty ýaqyt rejıminde (jaryq sáýleleriniń kómegimen) ótip bara jatqan kólikterdiń shyǵaryndylary týraly derekterdi jınaıdy. Prosesti avtomattandyrý adam faktoryn joqqa shyǵarady.
Spektrometrler kómirqyshqyl gazy, kómirtegi oksıdi, azot oksıdteri, kómirsýtekter jáne amıak sıaqty zattardyń konsentrasıasyn anyqtaı alady jáne optıkalyq tyǵyzdyq arqyly dızeldi kólikterdiń tútinin baǵalaıdy.
Qazirgi ýaqytta joba Almaty avtoparki shyǵaryndylarynyń ortasha mánderin anyqtaýǵa baǵyttalǵan. Bolashaqta Sergek beınebaqylaý júıesimen ıntegrasıalaý kezinde bul tehnologıa avtomobılderdiń shyǵaryndylardyń ruqsat etilgen normalarynan asatyn memlekettik nómirlerin avtomatty túrde anyqtaýǵa múmkindik beredi.
Ázirleýshilerdiń aıtýynsha, bul ınovasıalyq joba aýa sapasynyń monıtorıńin jaqsartýǵa jáne qalalyq jaǵdaıda paıdalanylatyn avtomobılder úshin ekologıalyq standarttardyń saqtalýyna yqpal etýge arnalǵan. Uqsas júıeler búginde álemde tıimdi jumys isteıdi, mysaly, EDAR (Emissions Detection and Reporting) jáne Opus tehnologıalary Madrıd, Venesıa, Berlın, Frankfýrt, London, Brússel, Parıj jáne basqa da iri qalalarda sátti engizildi.
Bastama Almatydaǵy aýa sapasyn jaqsartý jónindegi is-sharalardyń bir bóligi bolyp tabylady.