2025 jyl qýanyshty jańalyqtarǵa toly jyl boldy. Kóptegen tanymal juldyzdy jup shańyraq kóterip, sábı baqytyn ańsap júrgen otbasylar jaqsy jańalyqtaryn bólisip jatyr. Bıyl kimder sábı kútedi, kimder otbasyn qurdy? Aqshamnews.kz tilshisi jınaqtap shyqty.
Akter Jahan Otarǵalıev úshinshi ret shańyraq kóterdi
Tanymal akter Jahan Otarǵalıev ánshi Baljan Bıdashpen ajyrasqan soń araǵa bir jarym jylǵa jýyq ýaqyt salyp, bıyl qańtarda úshinshi márte shańyraq kóterdi. Akter jańa qalyńdyǵymen neke qıý rásiminen túsirilgen vıdeosyn jelide jarıalaǵan edi.
«Bul – jańa ómirdiń bastamasy», - dep jazdy Jahan Otarǵalıev Instagram paraqshasynda.
sýret: vıdeodan kadry
Bloger Janabilov 12 jyldan keıin dúrkiretip toı jasady
Qazaqstandyq tanymal blogerler Erbolat Janabilov pen Elmıra Tólegenova 12 jyl otbasylyq ómirden keıin úılený toılaryn jasady. Olar otbasyn qurǵan ýaqytta blogerlerdiń toı jasaýǵa jaǵdaılary bolmaǵan eken. Áıeliniń aq kóılek kısem degen armanyn 12 jyldan keıin oryndaǵan Erbolat Janabilov, naýryz aıynda úsh balasynyń qatysýymen Almatydaǵy eń qymbat meıramhanalardyń birinde ulan asyr toıyn atap ótti.
sýret: instagram.com/zhanabylov_e
Qazaqstandyq aktrısa ári dızaıner Aıjuldyz Adaıbekova men ekstrım-bloger Sáken Qaǵarov ta sáýir aıynda zańdy nekelerin qıdy. Jas jubaılar nekelerin rásimdegeni týraly kýáliktiń sýretin Instagram paraqshasynda jarıalady.
sýret: instagram.com/aizhuldyz_adaibekova
Qańtar aıynda Sáken men Aıjuldyz musylmansha nekege turǵan bolatyn. Sáýirde zańdy nekege turǵan qos ǵashyq, mamyr aıynda erekshe stılde úılený toılaryn jasady.
Kóptiń qalaýy bolǵan jup
Bıyl jurt Dıana Skatova úshin erekshe qýandy. Tanymal "Qalaýlym" telejobasynyń júrgizýshisi, jýrnalıs Dıana Skatova áriptesi, ózi "dosym" dep atap júretin Sultan Nurbekovpen kóńil jarastyrǵany jaıly jarıalaǵan kúnnen bastap áleýmettik jeli shýlap ketti.
Jurt osy eki jannyń qosylýyn kópten tileıtin edi. Halyqtyń armany oryndalyp, eldiń "súıikti juby" mamyr aıynda musylmansha nekelerin qıǵanyn jelide jarıalady. Keıinnen Dıana "syrǵalym" atanyp, qýanysh ústine qýanysh syılady.
"Ómir – ózdiginen ǵajap! Sol keremetti bólisetin adamyń bolsa, ony kezdestirseń, ol keremet eki eselenbeı me?! Alla tek jaqsy kúnderdi buıyrsyn! Barshamyzǵa! Biz erli-zaıyptymyz" dep jazdy Skatova paraqshasynda.
sýret: instagram.com/diana_skatova
Espanovtar áýletindegi qýanysh
Jaz aılary da qýanyshty jańalyqtarmen jalǵasyp jatyr. Belgili ánshi Nurlan Espanovtyń uly Oljas Espanov úılendi. Dúbirli toı Almatyda mamyrdyń aıaǵynda boldy. Orda buzar jasqa jetken Oljastyń tańdaýy 23 jastaǵy tarazdyq Aınur esimdi arýǵa túsken. Qazir Aınur magıstratýrany aıaqtap jatyr.
sýret: instagram.com/espanov_olzhas
Maıǵazıev áýletiniń "jyl toıy"
Tikeleı efır, 10 júrgizýshi, 70 mobılograf qyzmet etken dúbirli toıy. Ánshi Sáken Maıǵazıevtiń uly Ádilettiń úılený toıy dúıim jurtty shýlatty. Maýsymda ótken toıdyń tikeleı efıri 1380 teńgeden satylyp, eldi bir dúrliktirgen edi.
800 adam shaqyrylǵan toıdy arnaıy uıymdastyrý ortalyǵy basynan aıaǵyna deıin atqaryp shyqqan bolatyn. Toıǵa qazaq estradasynyń jaryq juldyzdary kelip, toı emes quddy bir konsert ótkendeı bolyp, eldi tańǵaldyrǵan edi.
Artýr da endi boıdaq emes
Bıyl tanymal bloger Artýr Asqaruly (archibaaalt - esk.) da shańyraq kóterdi. Onyń tańdaýy aktrısa Zamıra Saıdovaǵa túsken. Olardyń toıy tikeleı efırde tegin kórsetildi. Jas jubaılardyń nekelesý saltanatyn 50 myńnan asa kórermen tamashalady. Úılený toıynda Roza Rymbaeva syndy estrada juldyzdary, "Dos Muqasan", "MýzArt" toptary óner kórsetti.
Bloger Instagram áleýmettik jelisindegi paraǵyna betasharda túsirilgen vıdeo jarıalap, toıǵa kimniń qansha aqsha ákelgenin de jazdy. Syılyq 22 myńnan bastalyp 1 mln teńgege deıin jetti.
Artýr Asqaruly – belgili júrgizýshi Gúlmıra Daırabaıdyń úlken uly. Ol byltyr qalyńdyǵymen musylmansha nekesin qıǵan edi.
sýret: instagram.com/archibaaalt/
Sábı kútetin juldyzdar
Al bıyl sábı kútetin juldyzdar tizimin áýeli kúlli qazaq 9 jyl boıy kútken qýanyshtan bastaıyq. 9 jyl boıy kútken ǵajap kúnde barsha qazaq qýanyshtan kóz jastaryn tyıa almady. Belgili bloger Eldos Qadyrhanov (Eldos "Kolobok" esimimen tanys - esk.) jubaıymen birge toǵyz jyl boıy armandaǵan sátke jetip, uldy bolatyndaryn jarıalady.
Bloger buǵan deıin birneshe medısınalyq operasıadan ótkenin, sábıli bolý úshin úlken synaqtardy eńsergenin jasyrmaı aıtyp kelgen. Búginde sol armany oryndalyp, perzent súıetin kúnge jetkenin kópshilikke súıinshilep jetkizdi.
"Súıinshi, qazaq eli! Allaǵa shúkir, jettik osy kúnge. Balapan, biz seni kútemiz", - dep jazǵan ol gender patıden vıdeo júktedi.
sýret: vıdeodan skrın
Byltyr ekinshi ret turmysqa shyqqan tanymal bloger Aıym Altynbekova (aeka.posh - esk.) bıyl sábıli bolatynyn jasyrmady. Ol áleýmettik jelide qýanyshty jańalyǵyn bólisti.
sýret: instagram.com/aeka.posh
Ánshi Aıqyn Tólepbergen men Juldyz Ómirǵalı de ata-ana atanbaq. Juldyzdy jup jańalyqtaryn jaqynda jarıalady.
"Jaratqannyń erekshe syıy. Men taǵy da áke atanǵaly jatyrmyn. Buıyrsa, besinshi sábıimiz dúnıege keledi. Tańǵy uıqyny umytyp,kishkentaıdyń ıisimen mas bolamyz" dep jazdy Aıqyn Tólepbergen.
sýret: instagram.com/aikyn
Kópti tańǵaldyrǵan jańalyq - Juldyz Abdýkarımovanyń júktiligi. Aktrısa áleýmettik jelide óziniń "jetinshi júktiligi" jaıly bólisip, eldi bir shýlatqan edi.
"2025 jylǵa meniń josparym bolǵan. Alaıda…. ONYŃ maǵan degen jospary odan da ǵajap ári qaıyrly!" dep jazdy ol jelide.
sýret: instagram.com/zhuldyzabdukarimovaofficial
Joǵaryda shańyraq kótergenderdiń tizimine qosqan Aıjuldyz Adaıbekova men Sáken Qaǵarov ta sábı kútedi. Jas otbasy qýanyshtaryn jaqynda jelide bólisken bolatyn.
sýret: instagram.com/aizhuldyz_adaibekova
Qazaqstandyq bloger Aısha Ádilhan men ánshi Akha da jaqynda ata-ana bolmaq. Bul týraly bolashaq ana Instagram paraqshasynda habarlady.
