QR Úkimetiniń qaýlysymen Qýanysh Asylhanuly Erǵalıev QR Bilim jáne ǵylym vıse-mınıstri laýazymyna taǵaıyndaldy, dep habarlady Almaty-akshamy.kz Q primeminister.kz saıtynda jarıalanǵan QR Premer-Mınıstriniń baspasóz qyzmetiniń habaryna silteme jasap.
Qýanysh Erǵalıev 1982 jyly Shyǵys Qazaqstan oblysynda dúnıege kelgen. 2006 jyly S.D. Asfendıarov atyndaǵy QazUMÝ ýnıversıtetin támamdaǵan. 2009 jyly AQSH-taǵy Týleın ýnıversıtetinde magıstr dárejesin aldy. 2019 jyly Garvardtyń T.H. Chan atyndaǵy Qoǵamdyq densaýlyq saqtaý mektebinde «Bolashaq» halyqaralyq baǵdarlamasy boıynsha qoǵamdyq densaýlyq saqtaý doktory dárejesin aldy. 2006 jyly eńbek jolyn densaýlyq saqtaý júıesinen bastady. 2010 jyldan 2014 jylǵa deıin QR Densaýlyq saqtaý mınıstrliginde ártúrli qyzmetterde, sonyń ishinde basshylyq laýazymdarda qyzmet etti. 2014-2019 jyldary Nazarbaev Ýnıversıtetinde jumys istedi. 2019 jyldan bastap qazirgi ýaqytqa deıin Súleıman Demırel atyndaǵy (SDÝ) ýnıversıtet rektory boldy. Qýanysh Asylhanuly mınıstrlikte joǵary bilim jáne ǵylym máselelerine jetekshilik etetin bolady.