«Jolaýshylar tasymaly» AQ osy qyzmetti iske qosty.
Qazaqstandyqtar endi poıyzdaǵy oryndy onlaın keri qaıtara alady, dep habarlaıdy Almaty-akshamy.kz «Qazaqstan temir joly» baspasóz qyzmetine silteme jasap.
Jolaýshy bıletti poıyzdyń stansıadan attanýyna deıin 1 saǵattan az ýaqyt qalǵanda jáne stansıadan attanǵannan keıin 1 saǵat ótkenge deıin onlaın qaıtara alady.
«2022 jyldyń sáýir aıynan bastap jolaýshylarǵa qyzmet kórsetý sapasyn jaqsartý maqsatynda «Jolaýshylar tasymaly» AQ tólem ádisine (qolma-qol/aqshasyz esep aıyrysý) jáne qaı jerde satylǵanyna qaramastan, barlyq elektrondy jol júrý qujaty boıynsha oryndardy onlaın qaıtarý fýnksıasyn iske qosty», - dep habarlady «Qazaqstan temir joly».
Jolaýshy bıletti poıyzdyń stansıadan attanýyna deıin 1 saǵattan az ýaqyt qalǵanda jáne stansıadan attanǵannan keıin elektrondy bılette kórsetilgen ýaqyttan 1 saǵat ótkenge deıin onlaın qaıtara alady.
Oryndy qaıtarý úshin mynalardy oryndaý kerek:
Qazaqstan temir joly saıtyna kirý, «Narazylyq boıynsha oryndy qaıtarý» qosymsha betin basý;
saıtta qajetti barlyq joldy toltyryp, orynnyń qaıtarylǵany týraly túbirtekti júkteý.
«Jolaýshyǵa qarajat elektrondyq jol júrý qujatyn (bıletin) satyp alý tásili men ornyna baılanysty belgilengen tártippen qaıtarylatynyn jolaýshylar eskerýi tıis», - dedi baspasóz qyzmeti.
Tolyǵyraq aqparatpen kompanıa saıtyndaǵy «Kómek» – «Oryndardy qaıtarý» bóliminde tanysýǵa bolady.
Jolaýshylar tasymaly erejeleri boıynsha qoldanylmaǵan jol júrý qujaty úshin aqshany qaıtarý oryndy satý júıesine qaıtarǵan kezde ǵana oryndalatynyn atap ótý kerek.