«Qazaqstan temir joly» men onyń enshiles kompanıalary qyzmetine monıtorıń júrgizildi dep habarlaıdy almaty-akshamy.kz Básekelestikti qorǵaý jáne damytý agenttiginiń saıtyna silteme jasap.
Monıtorıń aıasyna 42 uıymnyń 424 qyzmetin tekserildi.
42 kompanıanyń ishinde 14 kompanıa monıtorıńpen qamtylmaǵan, onyń ishinde: Jeteýi Qazaqstan Respýblıkasynyń rezıdentteri emes, Jeteýi aksıalardyń (qatysý úlesteriniń) 50% - dan aspaıtyn úlesi bar birlesken kásiporyndar.
Osylaısha, taldanǵan 424 qyzmet túriniń 81-i Agenttiktiń kelisiminsiz júzege asyrylyp kelgeni anyqtaldy.
Anyqtalǵan buzýshylyqtardy joıý úshin Agenttik QTJ jáne onyń uıymdas kompanıalaryna básekelestikti qorǵaý salasyndaǵy zańnama normalaryn buzýdy toqtatý týraly 19 uıǵarym shyǵardy.
Atap aıtqanda, QTJ, «Kedentransservıs» AQ, «Áskerılendirilgen temirjol kúzeti» JSHS, «Qazaqstannyń kólik holdıńi» JSHS, «KTZ Express» AQ, «KTZ EXPRESS SHIPPING» JSHS, «Temirjolsý» AQ, «QTJ-Júk tasymaly» JSHS, «QTJ-Jolaýshylar lokomotıvteri» JSHS, «Port Quryq» JSHS kelisilmegen qyzmet túrlerin júzege asyrýdy toqtatý nemese olardy belgilengen tártippen kelisý týraly uıǵarym shyǵaryldy.
Osyndaı jumys aımaqtardaǵy áleýmettik salanyń 251 memlekettik kásiporynǵa da júrgizildi. Monıtorıń aıasynda 59 sýbektiniń is-áreketterinde buzýshylyqtar anyqtaldy jáne buzýshylyqtardy toqtatý týraly uıǵarymdar joldandy.
2023 jylǵa arnalǵan josparlarǵa sáıkes mundaı jumys «Samuryq-Qazyna» AQ-ǵa kiretin jekelegen kásiporyndar boıynsha da jalǵasatyn bolady, olardyń ishinde: «Qazaqtelekom» AQ, «Qazposhta» AQ, «Samuryq-Qazyna Kelisimshart» JSHS, «Samuryq Qazyna Bıznes Servıs» JSHS, «Samuryq Qazyna Invest» JSHS, «Qazaqstandyq atom elektr stansıalary» JSHS.
Anyqtama: 2022 jyly memlekettiń kásipkerlikke negizsiz qatysýyn qysqartý jónindegi kezekti shara retinde Básekelestikti qorǵaý jáne damytý agenttigine kvazımemlekettik kásiporyndardyń monıtorıńi boıynsha quzyret berildi. Monıtorıń júzege asyrylatyn qyzmet túrlerin qurý, keńeıtý jáne (nemese) ózgertý kezinde monopolıaǵa qarsy organnyń kelisimin alý turǵysynan kvazımemlekettik kompanıalar qyzmetiniń júzege asyrylatyn túrlerin salystyrýdy bildiredi.