Qazaqstan Respýblıkasynyń Ulttyq mýzeıinde Qazaqstannyń Halyq sýretshisi Naǵym-Bek Nurmuhammedovtyń 100 jyldyǵyna arnalǵan kórmeniń saltanatty ashylýy ótti, dep habarlaıdy aqshamnews.kz
Ekspozısıa elimizdiń jetekshi mýzeıleri qoryndaǵy 50-ge jýyq týyndydan quralǵan. «Týǵan ólkeniń peızajdary» jáne «Eńbek pen qurmet: eńbek adamdarynyń portretteri» atty eki taqyryptyq bólimnen turady. Olar sýretshiniń týǵan jerimen jáne onyń adamdarymen tereń baılanysyn kórsetedi.
Kórmeniń ashylýyna sýretshiniń jaqyndary, ónertanýshylar men mádenı qaıratkerleri qatysyp, onyń mádenıet pen ónerdi damytýǵa qosqan eleýli úlesi týraly oı bólisti.
Kórme kelýshiler úshin 2024 jyldyń 8 jeltoqsanyna deıin ashyq bolady.