Teleradıo habarlaryn taratý jelilerin paıdalaný qaǵıdalaryn ázirleıdi.
Qazaqstanda tótenshe jaǵdaılar mınıstrliginiń fýnksıalaryn keńeıtpek, dep habarlaıdy aqshamnews.kz
«Qazaqstan Respýblıkasy tótenshe jaǵdaılar mınıstrliginiń máseleleri» Qazaqstan Respýblıkasy úkimetiniń 2020 jylǵy 23 qazandaǵy №701 qaýlysyna mynadaı tolyqtyrý engizilsin: kórsetilgen qaýlymen bekitilgen Qazaqstan Respýblıkasy tótenshe jaǵdaılar mınıstrligi týraly erejede: 16-tarmaq mynadaı mazmundaǵy 52-1) tarmaqshasymen tolyqtyrylsyn: «52-1) tabıǵı jáne tehnogendik sıpattaǵy tótenshe jaǵdaılar kezinde adamdardyń ómirine, densaýlyǵyna tóngen qater jáne qalyptasqan jaǵdaıdaǵy is-qımyldar tártibi týraly halyqty qulaqtandyrý, sondaı-aq qorǵanys, ulttyq qaýipsizdik jáne quqyqtyq tártipti qorǵaý múddelerinde teleradıo habarlaryn taratý jelilerin paıdalaný qaǵıdalaryn ázirleıdi jáne bekitedi», - dep úkimettiń qaýly jobasynda aıtylǵan.
Túsindirme jazba boıynsha, jobanyń maqsaty TJM fýnksıalaryna tabıǵı jáne tehnogendik sıpattaǵy tótenshe jaǵdaılar kezinde adamdardyń ómirine, densaýlyǵyna tóngen qater jáne qalyptasqan jaǵdaıdaǵy is-qımyldar tártibi týraly halyqty qulaqtandyrý, sondaı-aq qorǵanys, ulttyq qaýipsizdik jáne quqyqtyq tártipti qorǵaý múddelerinde teleradıo habarlaryn taratý jelilerin paıdalaný qaǵıdalaryn ázirleýge qatysty tolyqtyrý engizý mańyzdy aqparatty ýaqtyly jetkizýdi qamtamasyz ete otyryp, tótenshe jaǵdaılarda táýekelder men shyǵyndardy barynsha azaıta otyryp, ulttyq qaýipsizdikti nyǵaıta otyryp jáne memlekettik organdardyń is-qımyldaryn úılestirýdi jaqsarta otyryp, halyqty qulaqtandyrý tıimdiligin arttyrýǵa múmkindik beredi.