Qazaqstanda 14 myńnan astam shetel azamaty jumys isteıdi.
Basym bóligi qurylys salasynda eńbek etedi, dep habarlaıdy aqshamnews.kz
Eńbek jáne halyqty áleýmettik qorǵaý mınıstrliginiń málimetinshe, ákimdikterdiń ruqsatymen elimizde 14 myń 49 sheteldik eńbek etedi.
Sheteldik basshylar men olardyń orynbasarlaryn jumysqa tartýǵa ruqsat 576 adamǵa, qurylymdyq bólimshelerdiń basshylary úshin 2 myń 598 adamǵa ruqsat berilse, úshinshi jáne tórtinshi sanattaǵy mamandar men bilikti jumysshylarǵa tıisinshe 5 myń 353 adamǵa jáne 473 adamǵa ruqsat berilgen. Sondaı-aq, maýsymdyq jumystarǵa 1 myń 899 adam, al korporatıvtik aýystyrý aıasynda 3 myń 150 adam tartyldy.
Qazir Qazaqstanda sheteldik jumysshylardy paıdalanatyn 1 myń 796 jumys berýshi bar. Olarda 436,1 myńnan astam qazaqstandyq jumys isteıdi. Olar qyzmetkerlerdiń jalpy sanynyń 96,8%-yn qurap otyr.
Ekonomıkalyq qyzmet túrleri boıynsha eń kóp jumys isteıtinder qurylys salasynda – 4 397 adam, aýyl, orman jáne balyq sharýashylyǵy – 1 897 adam, ákimshilik jáne kómekshi qyzmetter – 1 592, taý – ken ónerkásibi jáne karerlerdi qazý – 1 293 adam, óńdeý ónerkásibi – 1 252 adam.
Sonymen birge eńbek mıgranttary keletin negizgi elder ataldy. Olar: Qytaı – 4 123 adam, Ózbekstan – 1 968 adam, Túrkıa – 1 152 adam, Úndistan – 1 114 adam.