30 maýsymda Qazaqstan TJM qutqarýshylary QR QM áýe kemesimen Qyrǵyz Respýblıkasynyń Osh qalasyna bizdiń azamattarymyzdy evakýasıalaý jáne qaza tapqandardyń denelerin elimizge tasymaldaý úshin ushyp keldi, dep habarlaıdy almaty-akshamy.kz.
Vedomstvo málimetinshe, ushaq bortynda QR TJM RJQJ qutqarýshylary, Apattar medısınasy ortalyǵynyń dárigerleri men psıhologtary bar.
"Sonymen qatar bortpen Qyrǵyzstannyń sel tasqynynan zardap shekken turǵyndaryna jalpy salmaǵy 2,7 tonna azyq-túlik túrinde gýmanıtarlyq kómek jetkizildi. Keshe Jambyl oblysy TJD bastyǵy Arman Toqanov izdestirý-qutqarý jumystaryn úılestirý úshin Osh oblysy Nookat aýdanynyń TJ aımaǵyna jiberildi. Buǵan deıin QR TJM ahýaldyq ortalyǵynda jedel shtab quryldy, ondaǵy mamandar Qyrǵyzstan TJM jáne bizdiń elshilikpen turaqty baılanysta",- delingen aqparatta.
Óskemende SHQO TJD bastyǵy Rashıd Bılálovtyń úılestirýimen eki táýlik boıy jedel shtab jumys istep jatyr. Shtab bazasynda jergilikti atqarýshy organdarmen birge qaıtys bolǵan balalardyń týystaryna psıhologıalyq kómek kórsetilýde.