QR Prezıdentiniń baspasóz qyzmeti Memleket basshysynyń 2022 jylǵy BAQ salasyndaǵy syılyqtary men granttaryn, sondaı-aq Alǵysyn alýǵa úmitkerlerden usynymdar qabyldaý bastalǵanyn habarlaıdy.
«Syılyqtar men granttar alýǵa úmitkerlerdi, sondaı-aq Alǵys jarıalaýǵa shyǵarmashylyq ujymdardy BAQ, shyǵarmashylyq odaqtar, qoǵamdyq birlestikter, memlekettik organdar usyna alady», - delingen Aqordanyń resmı saıtyndaǵy habarlamada.
Árbir BAQ, shyǵarmashylyq odaq, qoǵamdyq birlestik, memlekettik organ syılyqtar men granttar alýǵa eki úmitker ǵana usynýǵa quqyly. Granttar jasy otyz besten aspaǵan jas jýrnalıserge beriledi.
Grant ıegeri atanǵan tulǵa syılyq alý úshin keminde bes jyldan keıin usynylady.
Syılyqtar men granttar alýǵa úmitkerlerdiń jáne Alǵys jarıalaýǵa shyǵarmashylyq ujymdardyń ózin-ózi usynýyna jol berilmeıdi.
Syılyqtar nemese granttar alýǵa buqaralyq aqparat quralynyń, shyǵarmashylyq odaqtyń, qoǵamdyq birlestiktiń, memlekettik organnyń resmı blankisine jazylǵan, birinshi basshy nemese onyń ornyndaǵy adam qol qoıǵan (A4 formattaǵy kólemi 2 paraqtan aspaıtyn) usynym joldanady. Oǵan mynadaı qujattar qosa usynylady:
- syılyqtar nemese granttar alýǵa usynylǵan úmitkerdiń aty, ákesiniń aty, tegi jáne shyǵarmashylyq búrkenshik esimi (eger bolsa), sondaı-aq atqaratyn laýazymy kórsetilgen negizgi jumys ornynan anyqtama;
- syılyqtar nemese granttar alýǵa usynylǵan úmitkerdiń jeke kýáliginiń nemese tólqujatynyń kóshirmesi;
- syılyqtar nemese granttar alýǵa usynylǵan úmitkerdiń shyǵarmashylyq qyzmetiniń qysqasha sıpattamasy;
- negizgi jarıalanymdarynyń tizimi jáne olardyń kóshirmeleri, aýdıo jáne (nemese) beınematerıaldar nemese sondaı materıaldardyń ınternet-siltemeleriniń tizimi.
Alǵys jarıalaýǵa shyǵarmashylyq odaqtyń, qoǵamdyq birlestiktiń, memlekettik organnyń resmı blankisine jazylǵan birinshi basshy nemese onyń ornyndaǵy adam qol qoıǵan buqaralyq aqparat quralynyń qyzmeti týraly (A4 formattaǵy kólemi 2 paraqtan aspaıtyn) usynym usynylady.
Konkýrsqa mán-mańyzy joǵary negizgi jarıalanymdar, aýdıo jáne (nemese) beınematerıaldar nemese sondaı materıaldardyń ınternet-siltemeleriniń tizimi usynylady.
Qaraýǵa 2021 jylǵy 1 maýsym men 2022 jylǵy 31 mamyr aralyǵynda jarıalanǵan jáne (nemese) efırge shyqqan materıaldar qabyldanady.
Syılyqtar, granttar alýǵa jáne Alǵys jarıalaýǵa usynylǵan materıaldar men qujattar qaıtarylmaıdy.
Kitaptar BAQ salasyndaǵy nagradalar alýǵa usynylǵan materıal retinde qarastyrylmaıdy. Merzimdi basylymdarda jaryq kórgen maqalalar toptamasyn usynýǵa bolady.
Memleket basshysynyń syılyqtaryn, granttaryn alýǵa jáne Alǵysyn jarıalaýǵa usynymdardy Qoǵamdyq komısıanyń tóraǵasy – Qazaqstan Respýblıkasy Prezıdentiniń Ákimshiligi Basshysynyń orynbasary A.Ǵ. Balaevanyń atyna 2022 jylǵy 31 mamyrǵa deıin myna meken-jaı boıynsha: 010000, Nur-Sultan q., «Aqorda» rezıdensıasyna joldaý qajet.
Qaǵaz túrinde joldanatyn qujattar poshta qyzmeti arqyly joǵaryda kórsetilgen mekenjaıǵa jiberiledi nemese «Úkimet úıi» ǵımaratynda (Nur-Sultan q., Máńgilik el dańǵyly, 6) ornalasqan Prezıdent Ákimshiligi Jalpy bóliminiń hat-habardy qabyldaý sektory arqyly jumys kúnderi saǵ. 09:00-15:30 aralyǵynda (túski úzilis saǵ. 13:00-14:30), senbi kúni saǵ. 10:00-11:00 aralyǵynda qabyldanady.
Memlekettik organdardyń usynymdary elektrondyq qujat aınalymynyń biryńǵaı júıesi arqyly tek elektrondyq formatta ǵana qabyldanady, bul qosymshalary elektrondyq tasymaldaǵysh (dısk) arqyly joldanatyn usynymdarǵa qatysty emes.
Baılanys nómirleri: +7 (7172) 74-40-81, 74-40-51.