Ómir boıy bas bostandyǵynan aıyrý eń qatań jaza bolyp qala beredi
Zańǵa sáıkes, Qylmystyq kodekstiń jalpy bólimindegi 11 baptyń ishinen ólim jazasy jaza túri retinde, onyń ishinde jazalaý, taǵaıyndaý jáne jazany aýystyrý júıesi týraly baptardan alynyp tastalady. Budan bólek, moratorıı kezindegi jaǵdaılar men qoldanys talaptaryna saı ólim jazasy uǵymy týraly arnaıy bap joıylady.
Ólim jazasy Qylmystyq kodekstiń 17 babynyń sanksıasynan alynyp tastalady. Osylaısha ómir boıy bas bostandyǵynan aıyrý eń qatań jaza bolyp qala beredi. Qylmystyq kodekske engizilgen tolyqtyrýlarǵa sáıkes, ólim jazasy ómir boıyna bas bostandyǵynan aıyrýmen almastyrylǵan adamdardy shartty túrde merziminen buryn bosatýǵa tyıym salynady.
Depýtattar 23 jeltoqsanda QR Parlamenti Senatynyń plenarlyq otyrysynda «Qazaqstan Respýblıkasynyń keıbir zańnamalyq aktilerine ólim jazasyn joıý máselesi boıynsha ózgerister men tolyqtyrý engizý týraly» zańdy qabyldady.
Aqordanyń habarlaýynsha, zańnyń mátini baspasózde jarıalanady.