Kreatıvtik ındýstrıany damytý úshin basym baǵyttar aıqyndaldy
Kreatıvtik ındýstrıalardy damytý úshin mýzyka, kıno, dızaın, jańa medıa, jarnama jáne t.b. sıaqty basym baǵyttar aıqyndaldy. Infraqurylym, bilim berý ortasy qurylýda, qarjylyq qoldaý sharalary qabyldanýda.
Almaty qalasy ákimi B. Saǵyntaevtyń tóraǵalyǵymen ótken Kreatıvtik ındýstrıalar keńesinde ótip bara jatqan jylǵy jumystyń negizgi nátıjeleri men aldaǵy eki jylǵa arnalǵan damý josparlary qaraldy, dep habarlaıdy Almaty-akshamy.kz.
Qalanyń zamanaýı kreatıvti keńistigin uıymdastyrý maqsatynda Alatau Sreative Nub ashyldy. Depo Evolution Park qurylysy júrgizilýde, kreatıvtik ındýstrıalar parki men zamanaýı óner murajaıyn qurý josparlanýda.
De Montfort University Kazakhstan jańa halyqaralyq ýnıversıtetinde mamandar daıarlaý úshin AT jáne dızaın boıynsha suranysqa ıe pánder ashyldy. Sonymen qatar, 11 kreatıvti baǵyt boıynsha Almaty Creative Class bilim berý platformasy quryldy.
Aǵymdaǵy jyly Almaty Creathon 2021 kreatıvti startaptar boıynsha chempıonat ótkizildi. Keńeste kreatonnyń úzdik bes komandasy Almaty ákiminiń alǵys gramotalarymen marapattaldy. Sonymen birge olarǵa Alatau Sreative hub-da jumys keńistigi berildi.
Keńes barysynda kreatıvti keńistikti uıymdastyrý jónindegi sarapshylardyń usynystary qaraldy. Sondaı-aq, aldaǵy kezeńge, onyń ishinde megapolıstiń kreatıvti ındýstrıalaryn damytýdyń naqty sharalaryn ázirleý jónindegi mindetter aıqyndaldy.