Ol mýzeı qyzmetkerleriniń qatysýymen jyl saıyn ótedi.
«Kóktem nury» atty kórmesi ashylady. Ol 18 mamyr – Dúnıejúzilik mýzeı kúnine arnalady. Ekspozısıada 180-nen astam jumys usynylady. Bul keskindeme, grafıka, sándik-qoldanbaly óner týyndylary. Atalmysh kórmege 33 sýretshi qatysýda, dep habarlaıdy Almaty-akshamy.kz.
Olardyń qatarynda Erkin Nurazhan, Anjelıka jáne Venera Ýrazbekovalar, Gúljan Qaldybaeva, Gúlshat Qojamjarova, Ǵalym Ospanov, Aıda Eleýova, Begaıym Qasymbekova, Gúlnar Jubanıazova, Natalıa Bajenova, Aısulý Úsentaeva, Vácheslav Seıtlın, Alma Qaıranbaeva, Bahtıar Dildábekov, Gúlnur Jubanova jáne t.b. bar.
“Ár sýretshiniń ózindik stıli, tehnıkasy jáne súıikti materıaldary bar. Sýretshilerdi elimizdiń sheksiz alýan tústeri men tabıǵı peızajdary qyzyqtyrady. Plener jumystary mánerli jáne kásibı deńgeıde oryndalǵan. Kórermenniń kóz aldynan qalanyń jáne Almatynyń mańyndaǵy eldi mekenderdiń tanymal jerleri men múlde beıtanys peızajdar paıda bolyp, ásem Otanymyzdyń basqa da aımaqtarynyń sulýlyǵyn asqaqtatady”, - deıdi ónerdiń ókili Natalıa Bajenova.
Kórmeni 15 maýsymǵa deıin tamashalaýǵa bolady.