Qytaıǵa barǵan qazaqstandyqtar endi qolma-qol aqsha nemese karta alyp júrmese de bolady.
Sebebi Qytaı aýmaǵyndaǵy dúkender, kafeler, taksı jáne basqa da 80 mıllıonnan astam saýda, qyzmet kórsetý núktelerinde Kaspi.kz qosymshasyndaǵy QR kod arqyly tólem jasaýǵa múmkindik bar, dep habarlaıdy Almaty-akshamy.kz
"Kóptegen qazaqstandyq Qytaıda jumys isteıdi, oqıdy jáne demalady. Biz súıikti tutynýshylarymyzdan shetelde tólem jasaý óz elimizdegideı ońaı bolsa degen pikirdi jıi alamyz. Sondyqtan biz AliPay+ kompanıasymen seriktestik ornatyp, árbir qazaqstandyq úshin jańa qyzmetti iske qostyq. Endi Kaspi.kz mobıldi sýperqosymshasynyń kómegimen Qytaıdyń túkpir-túkpirindegi saýda núktelerinde kez kelgen taýar aqysyn tóleýge bolady. Biz seriktesimiz AliPay+ seriktestigi úshin, al súıikti klıentterimizge - bizben birge bolǵany úshin alǵys aıtamyz!" dedi Kaspi.kz basshysy ári negizin qalaýshylardyń biri Mıhaıl Lomtadze.