Qazaqstan Respýblıkasy İshki ister Mınıstrliginiń M. Esbolatov atyndaǵy Almaty akademıasy bakalavrıat baǵdarlamasy boıynsha oqytýǵa qujat qabyldaı bastady
Oqý ornynyń ókilderi Albına Turǵynbaeva men Madına Beıilqyzy Óńirlik komýnıkasıalar qyzmetinde ótken pres-konferensıada akademıaǵa túsýdiń erejesi men talaby týraly aıtty, dep habarlaıdy aqshamnews.kz. Polisia.kz-ke silteme jasap.
İshki ister salasyna kásibı kadrlar daıarlaıtyn 70 jyldyq tarıhy bar akademıa qazir elimizdegi eń úlken oqý orny sanalady.
Qylmystyq quqyq jáne krımınologıa kafedrasynyń oqytýshysy Albına Turǵynbaevanyń aıtýynsha, akademıa krımınaldy polısıanyń, kıberqylmyspen kúres bólimsheleriniń, ákimshilik polısıanyń, sonymen birge tergeý bólimsheleri, aqparattandyrý men baılanys qyzmetiniń mamandaryn daıarlaıdy. Oqý baǵdarlamasyna mynalar kiredi:
- «Quqyq qorǵaý jumysy»;
- «Kıberqylmysqa qarsy is-qımyl»;
- «İshki ister organdarynyń jumysyn IT-krımınalıstıka turǵysynan qamtamasyz etý (Sıfrly krımınalısıka)»
- «İshki ister organdaryn aqparattyq-tehnıkalyq turǵyda qamtamasyz etý»
- «İİO-ǵy sotqa deıingi tergeý».
«Kıberqylmysqa qarsy is-qımyl» men «İshki ister organdarynyń jumysyn IT-krımınalıstıka turǵysynan qamtamasyz etý (Sıfrly krımınalısıka)» baǵdarlamasyna túskender áriptes JOO-nyń qosdıplomdy baǵdarlamasymen oqı alady.
Almatydaǵy akademıada oqýdyń artyqshylyǵy:
- Memlekettik tapsyrystyń negizinde oqýǵa túsip, oqıdy. Jaıly jataqhanada turady, qazirgi zamanǵy tehnıkamen jabdyqtalǵan aýdıtorıada oqıdy, stıpendıa alady, tamaǵy toq bolady, kerek-jaraǵyn beredi, dáriger qaraıdy, tegin sport seksıasyna (jattyǵý, kúres zaly, boksqa arnalǵan rıng, bári olımpıada standartyna saı) qatysady, poıyzben tegin qatynaıdy;
- Oqýǵa ketken ýaqyt áskerı mindetti ótegenmen birdeı sanalady;
- Oqý bitirgender 100% jumysqa ornalasady;
- Oqýdy bitirisimen árqaısysyna «ulttyq qaýipsizdik pen áskerı istiń bakalavry» dárejesi qatar júretin memlekettik dıplom men «polısıa leıtenanty» degen arnaýly shen beriledi.
Almaty akademıasyna bakalavrıat baǵdarlamasymen oqýǵa on alty jasqa tolǵan, orta bilimi bar Qazaqstan Respýblıkasynyń azamatyn alady. Oǵan:
- Aqpan men mamyr aıynyń aralyǵynda turǵylyqty jerdegi polısıa bólimshesine baryp, ne qajet qujattardy toltyrý úshin myna siltemedegi – https://alpolac.edu.kz/ akademıanyń saıtyna kirý kerek. Oqýǵa túserdegi Ulttyq biryńǵaı test mamyr men shilde aıynyń aralyǵynda ótedi.
- Oqýǵa túsetinder kez kelgen baǵyttaǵy eki pándi (shyǵarmashylyq ekzameninen bólek) tańdap alýyna bolady.
Baıqaýǵa qatysý úshin kem degende 50 baldan, onyń ishinde ár pánnen 5 baldan jınaýy tıis. «Oqý saýattylyǵy» men «matematıkalyq saýattylyq» páninen ótý baly 3 baldan tómen bolmaıdy.
Alǵan balyna, medısınalyq tekseristen ótkenin rastaıtyn qorytyndysyna qaraı, dárigerlik tekserý men UBT-dan sátimen ótkenderdi keıin Almaty akademıasyna shaqyrady deıdi, oqytýshy-ádisker Madına Beıilqyzy.
«Qazaqstan Respýblıkasynyń Ulttyq Gvardıasynda áskerı mindetin ótegenderdi, alǵan baly talapqa saı keletinderin, UBT-dan 100 ne odan da joǵary bal alǵandaryn, sport sheberlerin, jumys barysynda qaza bolǵan polısıa qyzmetkerleriniń balalaryn baıqaýdan tys qabyldaımyz», - deıdi, kásibı daıarlyq fakúltetiniń oqytýshy-ádiskeri Madına Beıilqyzy.
Kandıdattar irikteý kezinde myna myna jattyǵýdan da ótedi:
- 100 metrge júgirý (jasóspirimder, qyzdar);
- 1000 metrge júgirý (kros), (jasóspirimder, qyzdar);
- Bıik baǵanǵa tartylý (jasóspirimder);
- Shalqasynan jatyp deneni 1 mınýt boıy kóterip ustaý (qyzdar).
Oqýǵa qalaı túsý kerektigin Akademıanyń saıtynan oqyp, myna nómirge de qońyraý shalyp bilseńiz bolady +7 700 375 52 82; +7 708 684 49 70; +7 775 930 55 88 (WhatsApp)