Mınıstrlik múmkindigi shekteýli adamdar úshin qorshaǵan ortanyń kedergisiz bolýyna erekshe kóńil bóledi.
Bul - QR IIDM baqylaýynda turǵan mańyzdy mindetterdiń biri, dep habarlaıdy Almaty-akshamy.kz atalǵan mınıstrliktiń telegram kanalyna silteme jasap.
Mınıstrlik jobalaý jáne qurylys, sondaı-aq qaıta josparlaý kezinde múmkindigi shekteýli jandar úshin qolaıly orta qurý baǵytynda zańnamaǵa jáne qajetti normatıvterge birqatar ózgerister engizdi.
Normatıvter:
* eldi mekender qurylysyna,
* turaqtarǵa,
* júrginshilerge arnalǵan joldarǵa,
* pandýstar men baspaldaqtardy qosa alǵanda, kirý tobyna,
* lıftterge,
* ózge de kótergish qurylǵylarǵa, qurylys qyzmetiniń barlyq kezeńinde ortaq paıdalaný oryndaryna qoıylatyn talaptardy belgileıdi.
2021-2023 jyldarǵa qaraı múgedek adamdar úshin kólik ınfraqurylymynda 100% kedergisiz orta qamtamasyz etiledi.
«Tabaldyryqtan - tabaldyryqqa» qaǵıdasy.
Qazaqstanda «Múgedek adamdardy áleýmettik qorǵaý» aqparattyq portaly jumys isteıdi (inva.gov.kz qol jetimdilik kartasy). Ony QR Eńbek jáne halyqty áleýmettik qorǵaý mınıstrligi ázirlep, júrgizedi.
Portalda ınteraktıvtik kartadan Qazaqstannyń barlyq óńirinde erekshe qajettilikteri bar jandar úshin obektilerdiń qoljetimdiligi týraly aqparat alýǵa bolady. Kartaǵa barlyǵy 35 myńnan astam nysan engizilgen.
Áleýmettik qorǵaý organdary jergilikti atqarýshy organdarmen birlesip, múmkindigi shekteýli adamdarǵa arnalǵan 22 myń áleýmettik-kólik ınfraqurylymy nysandaryn beıimdeý jumystaryn júrgizýde.
QR IIDM «Halyqtyń qaýqary az toptary úshin qoljetimdilikti eskere otyryp, ǵımarattar men qurylystardy jobalaý» 3.06-101-2012 talaptaryna sáıkes, osy nysandardy aralaý kezinde monıtorıńtik toptarǵa óz usynymdaryn beredi.