Aǵymdaǵy jyly elimizdiń Aqtóbe, Soltústik jáne Shyǵys Qazaqstan oblystarynda klımattyq jaǵdaılarǵa baılanysty shalǵyn kóbeleginiń jappaı kóbeıý qaýpi ósip otyr, dep habarlaıdy almaty-akshamy.kz Aýyl sharýashylyǵy mınıstrligine silteme jasap.
Mınıstrlik tarapynan osy zıandy organızmniń naqty taralý arealyn anyqtaý úshin qajetti fıtosanıtarıalyq tekserýler júrgizildi.
Búgingi tańda 306,59 myń ga jer zertteldi, jalpy taralý aýdany 16,979 myń ga quraıdy. Onyń ishinde Aqtóbe oblysynda taralý aýdany 2,892 myń ga qurap otyr. Zıankestiń memlekettik qordaǵy jerlerdiń aram shópterinde, sondaı-aq dándi jáne maıly daqyldar egistikteriniń boıynda taralýy baıqalady.
Aýyl sharýashylyǵy mınıstriniń mindetin atqarýshy E. Qarashókeevtiń tapsyrmasy boıynsha Agroónerkásiptik keshendegi Memlekettik ınspeksıa komıtetiniń tóraǵasy A. Mars Aqtóbe oblysyna shalǵyn kóbelegine qarsy kúres jáne qorǵaý sharalaryn júrgizý boıynsha jumystardy uıymdastyrý jáne qajetti basqarýshylyq sheshimder qabyldaý úshin issaparǵa jiberildi.
Aıta ketý kerek, AÓK damytýdyń 2017-2021 jyldarǵa arnalǵan memlekettik baǵdarlamasy aıasynda, aýyl sharýashylyǵy taýaryn óndirýshiler men bıznes ókilderiniń bastamalaryna sáıkes, 2020 jyldan bastap shalǵyn kóbelegine qarsy qorǵaý sharalaryn júrgizý jónindegi jaýapkershilik pestısıdter qunynyń shyǵyndaryn 50%-ǵa deıin óteý úshin sýbsıdıalar bere otyryp, jergilikti atqarýshy organdardyń quzyretinen, aýyl sharýashylyǵy taýaryn óndirýshilerdiń quziretterine berilgen.
Qazirgi ýaqytta Aqtóbe oblysynyń ákimdigi 2,2 myń ga alańda hımıalyq óńdeý júrgizýge qarjy bólgen. Qorǵaý is-sharalaryn júrgizý tıimdiligi joǵary búrikkish tehnıka-gaz generatorlaryn paıdalaný arqyly júzege asyrylady.